Jaña qwrılğan Nwrkent qalasındağı twrğın üyler keşeni Foto: Yvision

Jıl basınan beri qarjılandırudıñ barlıq közi esebinen 6,2 mln şarşı metr (ş/m) twrğın üy paydalanuğa berilgen. Bwl «Nwrlı jer» bağdarlamasınıñ jıldıq josparınıñ 61%-ın qwraydı. Mwnday mälimetti QR investiciyalar jäne damu vice-ministri Roman Sklyar keldirdi.

Onıñ sözinşe, twrğın üydi paydalanuğa beru boyınşa Astana (1 680,2 mıñ ş/m), Almatı (981,6 mıñ ş/m) qalaları, Mañğıstau (592,7 mıñ ş/m) jäne Oñtüstik Qazaqstan oblıstarı (348,9 mıñ ş/m) köş bastap twr. Jeke twrğın üydi paydalanuğa beru boyınşa Mañğıstau, Qızılorda, Atırau jäne Batıs Qazaqstan oblıstarı basım.

"7 aydıñ qorıtındısı boyınşa twrğın üy qwrılısına 445,2 mlrd teñge bölingen, onıñ 75,8 mlrd teñgesi memlekettik investiciyalar. Memlekettik qarajattar esebinen 8 829 päter (541,3 mıñ ş/m) salınğan. Jıl soñına deyin tağı qosımşa 16 176 päterdi (948,2 mıñ ş/m) paydalanuğa beru josparda bar", - dedi Roman Sklyar QR Ükimetinde ötken baspasöz konferenciyasında.

Sonday-aq, ministrlik ökili biıl bağdarlama ayasında äkimdikterge 25 mlrd teñge bölingenin jäne 6 mıñğa juıq arendalıq päterlerdiñ qwrılısı bastalıp, olardıñ jartısı jıl soñına deyin ötkiziletinin atap ötti. Arendalıq üylermen baspana satıp aluğa mümkindikteri joq halıqtıñ äleumettik twrğıdan osal toptarı qamtamasız etiledi. Arenda aqısı, satıp alu qwqığınsız, äleumettik twrğın üydiñ 1  ş/m şamamen 100 teñgeni qwraydı.

Bwdan bölek, jartı jıldıqtıñ qorıtındısı boyınşa, josparlanğan 60 mıñ jer teliminen büginde 23,5 mıñ aumağı jelilermen qamtılğan. 4 oblıs ortalığında birıñğay säulet stilinde jeke baspanalar qwrılısınıñ pilottıq jobasın iske asıru jwmıstarı bastaldı. Osınday baspananıñ qwnı 90%-ğa deyin otandıq qwrılıs materialdarın paydalanu esebinen şarşı metrine 120 mıñ teñgeni qwraydı.

Pilottıq jobada jer telimine kezekte twrğan azamattarğa dayın üydi satıp alu qwqığı beriledi. Kezekte twrğan adamdar atalğan baspananı öz qarajatı esebinen nemese jıldıq 5%-ben TQJB-dan qarız alu arqılı satıp ala aladı.   

“The Qazaq Times”