«Schneider & Danzey FZC» kompaniyası basşılarınıñ biri Yorga Şnayder men Oñtüstik Qazaqstan oblısınıñ äkimi Janseyit Tüymebaev

Birikken Arab Ämirliginiñ «Schneider & Danzey FZC» kompaniyası Oñtüstik Qazaqstan oblısınan twrmıstıq qattı zattardı qayta öñdeuden ötkizetin zauıt qwrlısın saluğa nietti. Bwl turalı atalğan kompaniyanıñ basşıları Yorga Şnayder men Kreyg Denzidiñ Oñtüstik Qazaqstan oblısınıñ äkimi Janseyit Tüymebaevpen kezdesuinde mälim boldı, dep habarlaydı oblıs äkimdiginiñ baspasöz qızmeti. 

Kezdesude qonaqtar öñir basşısına kompaniya turalı tolıq aqparat berip, iske asırılğalı otırğan investiciyalıq jobasın tanıstırdı. 25 jıldıq tarihı bar kompaniya türli salalarda eñbek etedi. Negizinen biznes jobalardı äzirlep, investiciyalıq iri qwrılımdardı qwruğa järdemdesedi. Kompaniyanıñ bas ğimaratı Birikken Arab Ämirliginiñ Ras-Al-Hayma qalasında ornalasqan.

«Bizdiñ maqsatımız -  Oñtüstik Qazaqstan oblısınan twrmıstıq qattı zattardı qayta öñdeuden ötkizetin zauıt salu.  Bwl rette bizdiñ kompaniya negizgi eki bağıtta jwmıs isteudi közdep otır. Onıñ alğaşqısı – twrmıstıq qaldıqtardı qayta öñdeu bolsa, ekinşisi – jasıl ekonomika salasın damıtu. Atalğan eki joba da ekologiyağa ziyansız äri eki jaqqa da öte tiimdi dep oylaymız», - dedi Yorga Şnayder mırza.

Şeteldik qonaqtardıñ investiciyalıq jobasımen tanısqan oblıs basşısı öñirdiñ ekonomikalıq äleuetin bayandap, investorlarğa memleket tarapınan körsetiletin jeñildikterdi tüsindirdi.

«Twrmıstıq qaldıqtardı öñdeu boyınşa oblısımızğa bwğan deyin de birneşe wsınıstar kelip tüsken bolatın. Alayda olardıñ birqatarı qağaz jüzinde iske aspay qaldı. Oğan birqatar sebepter bolğanı da jasırın emes. Endigi mäsele – atalğan zauıttıñ qwrılısın tezdetip bastap, iske asıru öte mañızdı. Bwl rette jergilikti bilik arnayı jwmısşı tobın qwrıp, atqarılatın şarualardıñ kestesi tüzilui tiis», - dedi J. Tüymebaev.

Büginde oblıs halqınıñ sanı kün sanap artıp keledi. YAğni twtınuşı bar jerde qoqıstıñ da arta tüsetini zañdılıq. Osı mäselege toqtalğan öñir basşısı atalğan zauıttı Türkistan men Kentau qalaları töñireginen nemese Sarıağaş, Maqtaral audandarınıñ mañınan saludı wsındı.

“The Qazaq Times”