Foto: khabar.kz

Biıl jalpı astıq tüsimi 19,2 mln tonnanı qwraydı.  Sonday-aq,  2017 jılı respublikada bir gektardan orta eseppen 12,6 centner astıq jinaladı dep josparlanğan. 

Taratılğan aqparat boyınşa qazirgi kezde Almatı, Aqtöbe, Şığıs Qazaqstan, Batıs Qazaqstan, Jambıl, Qızılorda jäne Oñtüstik Qazaqstan oblıstarında astıq jinau jwmıstarı jürgizilip jatır.

2017 jıldıñ 15 tamızındağı jağday boyınşa astıq egilgen aumaqtardıñ 38 payızı jinalğan. 1,7 mln tonna astıq basılğan jäne bir gektardan jinalğan astıqtıñ ortaşa kölemi 20,2 centnerdi qwradı.

Al küz uaqıtındağı egindi jinau nauqanına qajetti dizel' otınınıñ kölemi respublika boyınşa 393,6 mıñ tonna bolğan. Onıñ işinde Aqmola oblısına 70 mıñ tonna, Qostanay oblısına 76 mıñ tonna, Soltüstik Qazaqstan oblısına 75 mıñ tonna otın qajet.

Jalpı egin aumağınıñ kölemi 22,1 mln gektardı qwraydı jäne bwl körsetkiş 2016 jılğa qarağanda 651 mıñ gektarğa artıq. Köktemgi egis - 18,7 mln gektar.

Ayta keteyik, 2016 jılı Qazaqstan bunkerlik salmaqta 23,7 mln tonna astıq jinağan jäne ol 2015 jılğa qarağanda 18,5 payızğa artıq boldı.

“The Qazaq Times”