Foto: IA Regnum

AQŞ-tıñ Reseyge qarsı jariyalağan jaña sankciyaları memleket üşin jağımsız faktor. Sebebi jaña şekteuler Reseyge keletin investiciya kölemin şekteui mümkin. Mwnday pikir Moody's halıqaralıq reyting agenttiginiñ zertteuinde aytılğan, dep jazdı "Praym" saytı. 

Agenttik sarapşılarınıñ mälimetinşe, qosımşa salınğan sankciyalar Reseydiñ Batıspen qarım-qatınasın odan arı uşıqtırıp jiberui mümkin.

Bwdan bölek Moody's sarapşıları  Reseyden kapitaldıñ jılıstauı artatının,  rubl'diñ uaqıtşa älsireuin jäne sonıñ saldarınan inflyaciyanıñ ösuin boljap otır. Vedomstvonıñ habarlauınşa, Reseyden osı jıldıñ alğaşqı üş ayında-aq, kapitaldıñ ketui 17,6 mlrd AQŞ dolların qwrağan.

"Jaña sankciyalar - äsirese şeteldik investorlarğa jağımsız signal bolıp otır. Sebebi olar bwdan bwrın bolğan sankciyalarğa endi ğana beyimdelgen edi, alayda Reseydiñ bäsekege qabilettiligin paydalana otırıp türli sektorlarda eksporttı arttırğısı kelgen işki narıqtağı investorlarğa da oñay bolıp otırğan joq", - deydi agenttik sarapşıları.

Ayta keteyik, bügin QR Ükimetiniñ otırısında Wlttıq ekonomika ministi Timur Süleymenov Reseyge salınğan sankciya Qazaqstanğa tikeley äser etpeytinin ayttı. Degenmen Reseyge tartılatın investiciya kölemi azayar bolsa, bwnıñ da bir wşi bizdiñ elge de tieri sözsiz.

“The Qazaq Times”