فوتو: يا Regnum

اقش-تىڭ رەسەيگە قارسى جاريالاعان جاڭا سانكتسيالارى مەملەكەت ءۇشىن جاعىمسىز فاكتور. سەبەبى جاڭا شەكتەۋلەر رەسەيگە كەلەتىن ينۆەستيتسيا كولەمىن شەكتەۋى مۇمكىن. مۇنداي پىكىر Moody's حالىقارالىق رەيتينگ اگەنتتىگىنىڭ زەرتتەۋىندە ايتىلعان، دەپ جازدى "پرايم" سايتى. 

اگەنتتىك ساراپشىلارىنىڭ مالىمەتىنشە، قوسىمشا سالىنعان سانكتسيالار رەسەيدىڭ باتىسپەن قارىم-قاتىناسىن ودان ارى ۋشىقتىرىپ جىبەرۋى مۇمكىن.

بۇدان بولەك Moody's ساراپشىلارى  رەسەيدەن كاپيتالدىڭ جىلىستاۋى ارتاتىنىن،  رۋبلدىڭ ۋاقىتشا السىرەۋىن جانە سونىڭ سالدارىنان ينفلياتسيانىڭ ءوسۋىن بولجاپ وتىر. ۆەدومستۆونىڭ حابارلاۋىنشا، رەسەيدەن وسى جىلدىڭ العاشقى ءۇش ايىندا-اق، كاپيتالدىڭ كەتۋى 17,6 ملرد اقش دوللارىن قۇراعان.

"جاڭا سانكتسيالار - اسىرەسە شەتەلدىك ينۆەستورلارعا جاعىمسىز سيگنال بولىپ وتىر. سەبەبى ولار بۇدان بۇرىن بولعان سانكتسيالارعا ەندى عانا بەيىمدەلگەن ەدى، الايدا رەسەيدىڭ باسەكەگە قابىلەتتىلىگىن پايدالانا وتىرىپ ءتۇرلى سەكتورلاردا ەكسپورتتى ارتتىرعىسى كەلگەن ىشكى نارىقتاعى ينۆەستورلارعا دا وڭاي بولىپ وتىرعان جوق", - دەيدى اگەنتتىك ساراپشىلارى.

ايتا كەتەيىك، بۇگىن قر ۇكىمەتىنىڭ وتىرىسىندا ۇلتتىق ەكونوميكا ءمينيستى تيمۋر سۇلەيمەنوۆ رەسەيگە سالىنعان سانكتسيا قازاقستانعا تىكەلەي اسەر ەتپەيتىنىن ايتتى. دەگەنمەن رەسەيگە تارتىلاتىن ينۆەستيتسيا كولەمى ازايار بولسا، بۇنىڭ دا ءبىر ءۇشى ءبىزدىڭ ەلگە دە تيەرى ءسوزسىز.

“The Qazaq Times”