Reks Tillerson jäne Sergey Lavrov. Foto: Politico Europe.

Esteriñizde bolsa AQŞ-tıñ Reseyge bağıttağan jaña sankciya zañ jobasınan keyin, Kreml' tarabı birden qarsı reakciya körsetip, Reseydegi AQŞ diplomatiyalıq jäne tehnikalıq qızmetkerlerinen 755 adamdı qısqartatının jariya etken edi. AQŞ memlekettik hatşısı Reks Tillerson osıdan eki kün bwrın Reseydiñ äreketine qırküyekke deyin bir jauabın beretinin aytıp ötti. Bwl turalı «Türik Tele-Radio» qızmetiniñ resmi saytı habarlap otır.

Filippin ortalıq qalasında bolıp ötken 50-şi ret ötkizilip otırğan Oñtüstik-Şığıs Aziya elderi sammitinde AQŞ memlekettik hatşısı Reks Tillerson men Resey Sırtqı ister ministri Sergey Lavrov jüzdesken bolatın. Kezdesu kezinde Resey ministri Mäskeudiñ atalğan qadamın qaytalay eske tüsirip jäne ol turalı tüsinip berdi.

AQŞ ökili Tillerson bolsa bwl şeşimge 1 qırküyekke deyin bir toytarıs jauabın beretinderin atap ötti. Eki el joğarı lauazımdılarınıñ kezdesuinde diplomatiya qızmetkerlerin qısqartu şeşimi turalı bir qatar swraqtar ortağa salınıp, eki tarap swraqtarğa öz jauaptarın qaytarısqan. Resey men AQŞ qarım qatınası soñğı jartı ğasırdağı eñ bir salqın twsında, mwnday qadamdardı eki el de añdıp basıp, abaylap şeşeri anıq. Mäskeudiñ bar talabı Reseydegi AQŞ qızmetkerler sanın, AQŞ-tağı reseylik qızmetkerler sanımen teñestiru bolıp otır.

“The Qazaq Times”