Irak ükimet armiyasınıñ qarulı qosındarı. Foto: alwaght.com.

Iraktıñ Qorğanıs ministrligi habarlama jariyalap, ükimetke qarastı qarulı küşterdiñ eldiñ soltüstik-şığısındağı türkimender köptep qonıstanğan Talafar öñirin DAIŞ terrorlıq wyımınan azat etu äskeri operaciyasın bastau aldında ekenin mälimdedi. Bwl turalı «Türik Tele-Radio» qızmetiniñ resmi saytı habarlap otır.

Iraktıñ Qorğanıs ministrligi jariyalağan jazbaşa mälimetke qarağanda, bwl retki operaciyağa, Mosuldı azat etu şayqası kezindegidey eldiñ eñ negizgi äskeri küşteri jwmıldırıladı. Sonımen birge, Irak äue küşteri de lañkestik toptardı äueden bombılauğa dayın.

Degenmen, Irak ükimet ökilderi eldegi DAIŞ küşterin tolıqtay tazartu üşin AQŞ jäne basqa elderdiñ birikken koaliciyasınıñ kömegin qajet etetindikterin ayttı. Bwl wsınıs Irak Mäjilis törağası men AQŞ-tıñ Iraktağı resmi ökili Bağdatta kezdesu otırısı kezinde ortağa qoyılğan. AQŞ-tıñ Iraktağı ökili Silliman bwl wsınıstı qabıldaytındarın, Iraktıñ Bağdat biligindegi qazirgi territoriya twtastığın qorğaudıñ mañızdı ekenin atap ötken.

“The Qazaq Times”