يراك ۇكىمەت ارمياسىنىڭ قارۋلى قوسىندارى. فوتو: alwaght.com.

يراكتىڭ قورعانىس مينيسترلىگى حابارلاما جاريالاپ، ۇكىمەتكە قاراستى قارۋلى كۇشتەردىڭ ەلدىڭ سولتۇستىك-شىعىسىنداعى تۇركىمەندەر كوپتەپ قونىستانعان تالافار ءوڭىرىن دايش تەررورلىق ۇيىمىنان ازات ەتۋ اسكەري وپەراتسياسىن باستاۋ الدىندا ەكەنىن مالىمدەدى. بۇل تۋرالى «تۇرىك تەلە-راديو» قىزمەتىنىڭ رەسمي سايتى حابارلاپ وتىر.

يراكتىڭ قورعانىس مينيسترلىگى جاريالاعان جازباشا مالىمەتكە قاراعاندا، بۇل رەتكى وپەراتسياعا، موسۋلدى ازات ەتۋ شايقاسى كەزىندەگىدەي ەلدىڭ ەڭ نەگىزگى اسكەري كۇشتەرى جۇمىلدىرىلادى. سونىمەن بىرگە، يراك اۋە كۇشتەرى دە لاڭكەستىك توپتاردى اۋەدەن بومبىلاۋعا دايىن.

دەگەنمەن، يراك ۇكىمەت وكىلدەرى ەلدەگى دايش كۇشتەرىن تولىقتاي تازارتۋ ءۇشىن اقش جانە باسقا ەلدەردىڭ بىرىككەن كواليتسياسىنىڭ كومەگىن قاجەت ەتەتىندىكتەرىن ايتتى. بۇل ۇسىنىس يراك ءماجىلىس توراعاسى مەن اقش-تىڭ يراكتاعى رەسمي وكىلى باعداتتا كەزدەسۋ وتىرىسى كەزىندە ورتاعا قويىلعان. اقش-تىڭ يراكتاعى وكىلى سيلليمان بۇل ۇسىنىستى قابىلدايتىندارىن، يراكتىڭ باعدات بيلىگىندەگى قازىرگى تەرريتوريا تۇتاستىعىن قورعاۋدىڭ ماڭىزدى ەكەنىن اتاپ وتكەن.

“The Qazaq Times”