QR Sırtqı ister ministrligi ğimaratı. Foto: Tengrinews.kz.

Qazaqstan Sırtqı ister ministrligi arnaulı mälimdeme jasap, Soltüstik Koreyanıñ 28 şildedegi ballistikalıq zımıran sınağın ayıptadı. Bwl turalı Qazaqstan SİM resmi saytında jazıldı.

Sırtqı ister ministrliginiñ mälimdemesinde: «Qazaqstan Respublikası 2017 jıldıñ 28 şildesindegi Korey Halıqtıq Demokratiyalıq Respublikasınıñ ballistikalıq zımırandı wşıruın üzildi-kesildi batıl ayıptaydı. Mwnday is äreketter BWW Qauipsizdik keñesiniñ qararların öreskel bwzuşılıq bolıp tabıladı, beybitşilikke qauip töndiredi. Sonımen birge, Şığıs Aziya öñirlik jäne jahandıq auqımdağı jağdaydı uşıqtıradı», – dep jazılğan.

Oğan qosa mälimdemede KHDR-nıñ jauapsız yadrolıq bağdarlamanı damıtu sayasatı älemdik yadrosızdanu procesine keri äser etedi dep ayıptağan. Äri, KHDR jäne älem halqınıñ qauipsizdigin eskere otırıp, yadrolıq menmendikten batıl türde bas tartuğa şaqırğan. Qalıptasqan şielenisti Soltüstik Koreya ükimeti belsendi türde küşpen emes, kelissözdermen şeşuge tırısuı kerek dep sanaydı QR Sırtqı ister ministrligi.

“The Qazaq Times”