Groznıydağı qandı oqiğa tuılğan orın. Foto: NTV.

«Novaya gazeta» basılımı 10 mausımdağı sanında, 26 qañtarda Şeşenstannıñ Groznıy jerinde öltirilgen 27 şeşen azamatınıñ tizimi jariyalanğan bolatın. Şeşenstan biligi bwl aqparattı «Gazettiñ qorqınıştı qiyalı» dep bağalağan edi. Alayda, jaqında ölgenderdiñ jaqındarı BBC arnasına aqparat berip, biliktiñ özderinen «qaza bolğandardıñ bäri de Süriyağa ketken jäne olar üyden öz betimen şığıp ketken» degen mazmwndağı hat jazdırıp alğanın mälimdegen. Bwl turalı BBC saytında jazıldı.

Qazağa wşırağandardıñ tuıstarı policiya özderine habarlağanğa deyin bwl swmdıq oqiğadan beyhabar bolğanın ayttı. Olar jäne qaytıs bolğandardıñ ötken jıldıñ jeltoqsan ayında qamauğa alınğanın, al «Novaya gazeta» basılımında qañtar ayında öltirildi dep jazılğanın aytqan.

VVS arnasınıñ habarına qarağanda, jergilikti qwqıq qorğau organdarı joğalğandar turalı şağımdanıp kelgen adamdarğa eş jauap qatpay otır. Sonımen birge atalğan aqparat agenttigi joğalğandardıñ tuıs-tuğanı policeyler jağınan qısım körude. Şağımdana barğandardı qamauğa alıp, olardan «Joğalğandar Süriyağa ketti, belgisiz bireuler alıp ketti» degen sipattamağa qol qoymasa bosatpaytındarın aytqan.

Ötken jılı jeltoqsan ayında Groznıy jerinde bir policey öltirilgen. Qastandıqqa wşıraudan bwrın onıñ avtoköligi wrlanğan. Osı oqiğadan keyin policiya tarauları keñ kölemde operaciya jürgizip kümändi azamattar twtqınğa alğan bolatın.

“The Qazaq TImes”