شەشەنستاندا پوليتسەيلەر قازا بولعانداردىڭ جاقىندارىنا قىسىم تۇسىرۋدە

«نوۆايا گازەتا» باسىلىمى 10 ماۋسىمداعى سانىندا، 26 قاڭتاردا شەشەنستاننىڭ گروزنىي جەرىندە ولتىرىلگەن 27 شەشەن ازاماتىنىڭ ءتىزىمى جاريالانعان بولاتىن. شەشەنستان بيلىگى بۇل اقپاراتتى «گازەتتىڭ قورقىنىشتى قيالى» دەپ باعالاعان ەدى. الايدا، جاقىندا ولگەندەردىڭ جاقىندارى BBC ارناسىنا اقپارات بەرىپ، بيلىكتىڭ وزدەرىنەن «قازا بولعانداردىڭ ءبارى دە سۇرياعا كەتكەن جانە ولار ۇيدەن ءوز بەتىمەن شىعىپ كەتكەن» دەگەن مازمۇنداعى حات جازدىرىپ العانىن مالىمدەگەن. بۇل تۋرالى BBC سايتىندا جازىلدى.

قازاعا ۇشىراعانداردىڭ تۋىستارى پوليتسيا وزدەرىنە حابارلاعانعا دەيىن بۇل سۇمدىق وقيعادان بەيحابار بولعانىن ايتتى. ولار جانە قايتىس بولعانداردىڭ وتكەن جىلدىڭ جەلتوقسان ايىندا قاماۋعا الىنعانىن، ال «نوۆايا گازەتا» باسىلىمىندا قاڭتار ايىندا ءولتىرىلدى دەپ جازىلعانىن ايتقان.

ۆۆس ارناسىنىڭ حابارىنا قاراعاندا، جەرگىلىكتى قۇقىق قورعاۋ ورگاندارى جوعالعاندار تۋرالى شاعىمدانىپ كەلگەن ادامدارعا ەش جاۋاپ قاتپاي وتىر. سونىمەن بىرگە اتالعان اقپارات اگەنتتىگى جوعالعانداردىڭ تۋىس-تۋعانى پوليتسەيلەر جاعىنان قىسىم كورۋدە. شاعىمدانا بارعانداردى قاماۋعا الىپ، ولاردان «جوعالعاندار سۇرياعا كەتتى، بەلگىسىز بىرەۋلەر الىپ كەتتى» دەگەن سيپاتتاماعا قول قويماسا بوساتپايتىندارىن ايتقان.

وتكەن جىلى جەلتوقسان ايىندا گروزنىي جەرىندە ءبىر پوليتسەي ولتىرىلگەن. قاستاندىققا ۇشىراۋدان بۇرىن ونىڭ اۆتوكولىگى ۇرلانعان. وسى وقيعادان كەيىن پوليتسيا تاراۋلارى كەڭ كولەمدە وپەراتسيا جۇرگىزىپ كۇماندى ازاماتتار تۇتقىنعا العان بولاتىن.

“The Qazaq TImes”