Tramp jäne Putin. Foto: Business Insider.

AQŞ Kongresi ötken aptanıñ soñında köp ret qaralğan Reseyge jaña sankciya salu zañ jobasın maqwldadı. Amerikalıq zañ şığaruşılardıñ kezekti jobası aldağı jaz aylarına deyin dayın bolmaq. Sankciya Soltüstik Koreya men Reseydi qamtığan jaña bwğattaudı jüzege asırğalı otır. Osığan deyin «kelseñ kel» -ge  salıp kelgen Kreml' jağı düysenbi küni qarsı reakciyasın bildirdi. Bwl turalı «Türik Tele-Radio» qızmetiniñ resmi saytı habarlaydı.

Resey prezidentiniñ baspasöz hatşısı Dmitriy Peskov jaña sankciya turalı pikirinde: «Kreml' bwl zañdı orınsız sanaydı. Reseyge qarsı zañ jobasında tipti AQŞ prezidentine de sankciyanı joyuğa qwqıq bermegen», – dedi. Sankciya jobası resmi mälim bolğannan keyin Resey jaq bwl zañ jobasın teriske şığardı. Tipti bwl eki el arasındağı qarım-qatınasqa kesirin tigizedi dep aşıq ayttı. Bwnısı aldağı uaqıtta Reseydiñ AQŞ-pen bolğan qarım-qatınasına tipti de salqındıq tudıratının bildiredi.

Reseydiñ iri kompaniyalarınıñ biri «Gazrom»-nıñ Baltıq teñizi jağalauınan Europağa gaz jetkizuşi «North Streem» gaz qwbırı jobası da AQŞ-tıñ bwl retki jaña sankciya jobasınıñ qarauılına ilinip otır. Demek, AQŞ-tıñ jaña sankciyası Reseymen qosa Germaniyanı qamtığan bir qatar Europa elderine de äser etetini anıq. Eñ qızığı bwl zañ jobası AQŞ prezidenti Donal'd Tramptıñ prezidenttik ökilettiligine de belgili därejede şekteuler qoyıp otır. YAğni, Reseyge bağıttalğan sankciyanı prezident Tramp toqtata almaytın bolıp bekitilgen.

“The Qazaq Times”