Foto: www.1obl.ru

Qazaqstannıñ joğarğı oqu orındarındağı wlttıq bilim beru jüyesiniñ deñgeyi tömendegen jäne tabısı da azayğan. 2016 jıldıñ qorıtındısı boyınşa joğarı bilim beru mekemeleri 8,5 mlrd teñge şamasında tabıs tapqan jäne bwl 2015 jıldıñ tabısımen salıstırğanda 2 esege tömen. Bwl jılı oqu orındarınıñ tabısı 19,9 mlrd teñgeni qwrağan. Mwnday mälimetterdi Finprom.kz agenttigi keltirip otır. 

Osılayşa, JOO-lar 2015 jılğı trendti saqtay almadı. 2015 jılı JOO-nıñ tabısı 2014 jılğa qarağanda 3 esege artqan jäne soñğı 5 jıldağı eñ joğarğı körsetkişke ie boldı.

Äsirese jeke menşik oqu orındarınıñ tabısı 2014-2015 jılğıday körsetkişke ie bola alamadı. Sebebi 2016 jılı olardıñ tabısı 5 esege tömendep, 11,8 mlrd teñgeden 2,4 mlrd teñgege deyin azaydı. Memlekettik universitetter men akademiyalardıñ da tabısı azayğan. Bir jılda 26,5 payızğa nemese 2,1 mlrd teñgege azaydı.

Jeke menşik JOO-lar ekonomika jağdayın uaqıtılı eskermegen boluı mümkin. Nätijesinde bwl sektordağı jalpı şığındar bir jılda birden 22,2 payızğa wlğayğan. 2015 jılğı şığın 18 payız bolğan. Al tabıs bar bolğanı 8,7 payızğa köbeygen. Bir jıl bwrınğı ösim 22,9 payızğa köp bolğan edi.

Jalpı Qazaqstannıñ JOO salası soñğı 5 jılda qısımğa wşırap keledi. Sebebi studentterdiñ sanı azaydı äri JOO-lar sanı qısqarğan. 2011-2016 oqu jılında Qazaqstanda 4 JOO jabılğan. Al studentterdiñ sanı osı oqu jılı aralığında ortaşa eseppen 32,2 mıñğa qısqarğan.

Şın mäninde studentter sanınıñ qısqaruı orındı. Sebebi  melmekettik grantqa tüse almağandardıñ jıl sayın köteriletin oqu aqısın töleuge şamaları kelmeydi. Oğan 2016-2017 oqu jılında qarjılıq qiındıqtarğa baylanıstı  17 mıñ studenttiñ oqudan şığıp ketui dälel. Sonday-aq, keybir memlekettik universitetterdiñ jeke qolğa ötui oqu orındarınıñ bedeline nwqsan keltirip jürgen jayı bar.

“The Qazaq Times”