Çernogoriyada 2016 jıldıñ 16 qazanında memlekettik töñkeris jasamaqşı bolğandardıñ wstaluı.

AQŞ Senatı Reseydi 2016 jılı Çernogoriyada memlekettik töñkeris jasamaqşı boldı dep ayıptadı.

AQŞ-tıñ Atlant keñesiniñ vice-prezidenti Deymon Uilsonnıñ aytuınşa, 2016 jılı Çernogoriyada memlekettik töñkeris jasau Reseydiñ «B» josparı retinde qarastırılğan. Oğan deyin Mäskeu Balqan tübegindegi bwl elge Serbiya provaslav şirkeui arqılı, BAQ arqılı, NATO-ğa kirmeu üşin türli ügit-nasihat jwmıstarın jürgizu arqılı qısım körsetken. Bwl jwmıstardıñ eşqaysısı nätije bermegennen keyin «B» josparına yağni memlekettik töñkeris jasauğa köşken. Biraq onısınan tük şıqpağan.

Esteriñizge salayıq bwğan deyin 2016 jılı küzde Çernogoriya prokuraturası elde memlekettik töñkeristiñ jäne sol kezdegi el prem'er-ministri Milo Djukanoviçqa jasalğan qastandıqtıñ aldın alğandıqtarı jayında mälimdeme jasağan bolatın.

Çernogoriya NATO-ğa 2017 jıldıñ 5 mausımında resmi türde qabıldanğan.

“The Qazaq Times”