Foto: Kapital.kz

Qazaqstannıñ Halıq Banki Qazkommercbankke qarjı qwydı. Halıq bank artıqşılıqtı satıp alu qwqığın jüzege asıra otırıp, Qazkommercbanktiñ jay akciyalarınıñ 96,81% ülesin nemese 1 296 698 676 danasın satıp aldı. Bwl turalı Qazkom-nıñ baspasöz qızmeti habarladı.

"Halıq Banki satıp alğan akciyalardıñ tölemin jürgize otırıp, Qazkommercbankke 185 mlrd teñge köleminde qarjı qwydı. Qazirgi uaqıtta bank kapitaldıñ jetkilikti koefficenti boyınşa Qazaqstan Respublikası Wlttıq Banktiñ barlıq normativterin orındauda", - delingen baspasöz habarlamasında.

Ayta keteyik, osı jıldıñ mausım ayında "Qazkommercbank" AQ direktorlar keñesiniñ törağası Keñes Raqışev banktiñ 86.09% jay akciyaların satıp alu-satu turalı "Halıq bank" AQ-nıñ mämilesine qol qoyğan.

Sonday-aq, "Qazaqstan Halıq banki" AQ jäne "Qazkommercbank" AQ bankomattıq jelilerdi biriktiru jwmısınıñ bastalğanı, 10 şildeden bastap Halyk jäne Qazkom kartaların wstauşılar üşin bankomattan qolma-qol aqşa alu kezinde qosımşa komissiyalardıñ alınbaytını turalı habarlanğan bolatın.

“The Qazaq Times”