قازاقستاننىڭ حالىق بانكى قازكوممەرتسبانككە قارجى قۇيدى. حالىق بانك ارتىقشىلىقتى ساتىپ الۋ قۇقىعىن جۇزەگە اسىرا وتىرىپ، قازكوممەرتسبانكتىڭ جاي اكتسيالارىنىڭ 96,81% ۇلەسىن نەمەسە 1 296 698 676 داناسىن ساتىپ الدى. بۇل تۋرالى Qazkom-نىڭ ءباسپاسوز قىزمەتى حابارلادى.
"حالىق بانكى ساتىپ العان اكتسيالاردىڭ تولەمىن جۇرگىزە وتىرىپ، قازكوممەرتسبانككە 185 ملرد تەڭگە كولەمىندە قارجى قۇيدى. قازىرگى ۋاقىتتا بانك كاپيتالدىڭ جەتكىلىكتى كوەففيتسەنتى بويىنشا قازاقستان رەسپۋبليكاسى ۇلتتىق بانكتىڭ بارلىق نورماتيۆتەرىن ورىنداۋدا", - دەلىنگەن ءباسپاسوز حابارلاماسىندا.
ايتا كەتەيىك، وسى جىلدىڭ ماۋسىم ايىندا "قازكوممەرتسبانك" اق ديرەكتورلار كەڭەسىنىڭ توراعاسى كەڭەس راقىشەۆ بانكتىڭ 86.09% جاي اكتسيالارىن ساتىپ الۋ-ساتۋ تۋرالى "حالىق بانك" اق-نىڭ مامىلەسىنە قول قويعان.
سونداي-اق، "قازاقستان حالىق بانكى" اق جانە "قازكوممەرتسبانك" اق بانكوماتتىق جەلىلەردى بىرىكتىرۋ جۇمىسىنىڭ باستالعانى، 10 شىلدەدەن باستاپ Halyk جانە Qazkom كارتالارىن ۇستاۋشىلار ءۇشىن بانكوماتتان قولما-قول اقشا الۋ كەزىندە قوسىمشا كوميسسيالاردىڭ الىنبايتىنى تۋرالى حابارلانعان بولاتىن.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
بىشكەكتە كاسىپكەرلەر جاڭا سالىق ەرەجەلەرىنە قارسى اكتسيا وتكىزدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى
