Foto: Vlast'

2017 jıldıñ qañtar-mamır ayında tölengen salıq esebinen Qazaqstannıñ memlekettik byudjetine 2,8 trln teñge tüsken. Ötken jıldıñ eseptik kezeñimen salıstırğanda jinaq kölemi 14%-ğa ösken.

Jıldıq jospar 42%-ğa orındalsa, osı jıldıñ josparı 5,3%-ğa artıq orındalğan. Sonday-aq, tabıs salığı - 986 mlrd teñge (+6%), işki salıq 991 mlrd teñge (+18%), halıqaralıq saudağa salınğan salıq 443 mlrd teñge (+27%), äleumettik salıq — 230,4 mlrd teñge (+11,3%), jekemenşik salıq — 138,3 mlrd teñge (+17,5%) boldı. Mwnday mälimetti  ranking.kz agenttigi keltirip otır.

Jalpı salıq tüsimderindegi ekinşi deñgeyli bankterdiñ ülesi 3%-dı qwraydı. Qazaqstandağı 36 banktiñ 21-i iri kölemde salıq töleuşi bankter qatarında.

Sonımen osı jıldıñ 5 ayında ekinşi deñgeyli bankter byudjetke 96 mlrd teñge tölegen. Tölengen salıqtıñ eñ köp böligi yağni 55%-ı Qazkom-ğa tiesili, 28,8 mlrd teñge salıq tölegen. Al Halıq banktiñ tölegen salığınıñ kölemi 24,2 mlrd teñgeni qwradı.

Sonday-aq, köp salıq tölegen bankterdiñ bestigine Cesnabank kirdi. Atalğan bank osı jıldıñ 5 ayında 6,3 mlrd teñgege salıq tölegen. CentrKredit 3,6 mlrd teñge, Houm Kredit 3,5 mlrd teñge tölepti.

Degenmen Wlttıq banktiñ ekinşi deñgeyli bankterdi sauıqtıru üşin 500 mlrd teñge köleminde qarjı jwmsaytının eskersek, qarjı instituttarınıñ tölegen salığı eş paydasız ekenin bayqauğa boladı.