AQŞ-tıñ memlekettik qwrılımdarında «Kasperskiy laboratoriyasınıñ» önimderin paydalanuğa tıyım saldı. Bwl turalı şeşimdi Donal'd Tramp äkimşiligi Bloomberg agenttigi jariyalağan «Kasperskiy laboratoriyası» Resey Ükimetimen jäne barlau qızmetimen tığız baylanısta degen aqparatınan keyin qabıldadı.

«Kasperskiy laboratoriyası» özderiniñ jeke menşik kompaniya retinde älemniñ birde bir elimen sayasi baylanıs ornatpağandıqtarın jetkizdi. Wyım basşılığı: «Bizdiñ kompaniya aqparattıq qauipsizdik narığında 20 jıldan astam käsip jürgizudiñ eñ üzdik standarttarın wstanıp keledi. «Kasperskiy laboratoriyası» älemniñ birde bir memleketine kiberşpionaj jürgizuge eşqaşan kömek körsetpeydi», -dep mälimdedi.

Kompaniya direktorı Evgeniy Kasperskiy AQŞ-tıñ şeneunikterimen arnayı kezdesip, Kongresste oyın bildiruge dayın. Sonday-aq «Kasperskiy laboratoriyasınıñ» ökilderi wyımnıñ jwmısına kümän keltirgen kez-kelgen memlekettik organğa kompaniyanıñ qızmetin zertteuge mümkindik beretindikterin dep atap ötti.

«Kasperskiy laboratoriyası»  1997 jılı qwrılğan. Kompaniya komp'terlik virustar, spam, hakerlik şabuıldar men özge de kiberqauipterden qorğau joldarın qamtamasız etuge mamandanğan.

“The Qazaq Times”