اقش-تىڭ مەملەكەتتىك قۇرىلىمدارىندا «كاسپەرسكي لابوراتورياسىنىڭ» ونىمدەرىن پايدالانۋعا تىيىم سالدى. بۇل تۋرالى شەشىمدى دونالد ترامپ اكىمشىلىگى Bloomberg اگەنتتىگى جاريالاعان «كاسپەرسكي لابوراتورياسى» رەسەي ۇكىمەتىمەن جانە بارلاۋ قىزمەتىمەن تىعىز بايلانىستا دەگەن اقپاراتىنان كەيىن قابىلدادى.

«كاسپەرسكي لابوراتورياسى» وزدەرىنىڭ جەكە مەنشىك كومپانيا رەتىندە الەمنىڭ بىردە ءبىر ەلىمەن ساياسي بايلانىس ورناتپاعاندىقتارىن جەتكىزدى. ۇيىم باسشىلىعى: «ءبىزدىڭ كومپانيا اقپاراتتىق قاۋىپسىزدىك نارىعىندا 20 جىلدان استام كاسىپ جۇرگىزۋدىڭ ەڭ ۇزدىك ستاندارتتارىن ۇستانىپ كەلەدى. «كاسپەرسكي لابوراتورياسى» الەمنىڭ بىردە ءبىر مەملەكەتىنە كيبەرشپيوناج جۇرگىزۋگە ەشقاشان كومەك كورسەتپەيدى»، -دەپ مالىمدەدى.

كومپانيا ديرەكتورى ەۆگەني كاسپەرسكي اقش-تىڭ شەنەۋنىكتەرىمەن ارنايى كەزدەسىپ، كونگرەسستە ويىن بىلدىرۋگە دايىن. سونداي-اق «كاسپەرسكي لابوراتورياسىنىڭ» وكىلدەرى ۇيىمنىڭ جۇمىسىنا كۇمان كەلتىرگەن كەز-كەلگەن مەملەكەتتىك ورگانعا كومپانيانىڭ قىزمەتىن زەرتتەۋگە مۇمكىندىك بەرەتىندىكتەرىن دەپ اتاپ ءوتتى.

«كاسپەرسكي لابوراتورياسى»  1997 جىلى قۇرىلعان. كومپانيا كومپتەرلىك ۆيرۋستار، سپام، حاكەرلىك شابۋىلدار مەن وزگە دە كيبەرقاۋىپتەردەن قورعاۋ جولدارىن قامتاماسىز ەتۋگە ماماندانعان.

“The Qazaq Times”