Foto: körneki suret

Irannıñ Sırtqı İster ministriniñ orınbasarı Abbas Arakçi Europa elderiniñ  5-qaraşağa deyin «Ortaq qadam: jan-jaqtı bağdarlamalar» dep te atalatın Irannıñ yadrolıq kelisimşartın saqtap qalu üşin qajetti şaralardı qolğa aluları kerek ekenin eskertti. Bwl turalı «evrensel.net» A.Arakçidiñ Irannıñ memlekettik telearnasına bergen mälimdemesine silteme jasap habarlaydı.

Eger onday şaralar qabıldanbasa, Iran da osı kelisimşarttan şığuı mümkin.  Osı jıldıñ mamır ayında AQŞ qwramınan şıqqan kelisimşarttı saqtap qalu üşin Europa elderiniñ qaraşa ayınıñ soñına deyin uaqıttarı bar ekenin habarlağan Arakçi: «Eger, şeşim tabu tetikteri qolğa alınbasa, yadrolıq kelisimşartta qaludıñ biz üşin eş paydası qalmaydı», - degen.

Telearnağa aytqan sözinde Arakçi yadrolıq kelisimşarttı özi üşin qauipsizdik retinde köretin Europanıñ firmalardı bir şeşimge baruğa bağıttay almağanın jäne osı jağdaydıñ Iran üşin ülken qiındıq tudırğanın ayttı. AQŞ biligi özge elderdiñ kelisiminsiz yadrolıq kelisimşarttan şıqqannan keyin Iranğa bağıttalğan sankciyalarınıñ alğaşqı bölimin ötken ayda qolğa alğan edi. Endi, energetika salasın da qamtığan sankciyalardıñ ekinşi bölimi 5-qaraşada bastaladı dep kütilude.

“The Qazaq Times”