Foto: Kursiv.kz

Osı jıldıñ mausım ayındağı nätije boyınşa antibiotikater bağası aytarlıqtay qımbattağan. Ampicillin jılına 25,2%-ğa qımbattasa, antiseptikalıq qwraldar bağası 10,6%-ğa, vitamin preparattarı 3,4%-ğa, medicinalıq däke 9,3%-ğa, maqta bağası 2%-ğa joğarılağan. Mwnday mälimetti energyprom.kz agenttigi keltirip otır. 

Atameken Business Channel saytınıñ mälimetinşe, Qazaqstanda bağası 5-10 dollardan aspaytın däriler jii satıladı. Olardıñ kommerciyadağı ülesi 22%-dı qwraydı. Sonday-aq bağası bir dollardan aspaytın därilerdiñ narıqtağı ülesi 2015 jılı 9%-ğa, 2016 jılı 14%-ğa artqan. YAğni qazaqstandıqtar qımbat därilerden göri qoljetimdi bağadağı därilerdi qoldana bastağan.

Saraptama agenttiginiñ mälimetinşe, Qazaqstanda farmaciya narığı belsendi damıp keledi. Mısalı osı jıldıñ qañtar-mamır aylarında negizgi farmacevtikalıq önimderdiñ şığarılımı bağa esebi boyınşa 32,68 mlrd teñgeni qwrağan jäne körsetkiş ötken jılmen salıstırğanda eki esege joğarı.

Al däri-därmek öndirisi boyınşa Almatı oblısı 4,77 tonna körsetkişpen aldıñğı orında twr. Ekinşi orında Almatı - 1,5 tonna däri öndirip, bir jılda  öndiris 53,4%-ğa artqan. Oñtüstik Qazaqstan oblısı 1,07 mıñ tonnamen üşinşi orında twr.

Degenmen import kölemi de azaymağan. Osı jıldıñ 4 ayında importtalatın medikamentter kölemi 1,5 esege köbeygen. Al eksport kölemi 19,3% şamasında.

Ayta keteyik, keşe QR densaulıq saqtau ministtir Eljan Birtanov Ükimet otırısında därilerdiñ şektik bağası belgilenetinin aytqan. Onıñ sözinşe, Qazaqstanda bağa belgileudiñ baqılanbaytın jüyesi, birinşi kezekte, öndiruşilerdiñ  öz därileriniñ kez kelgen bağasın belgileu qwqığına ie boluınan bastaladı. Däri bağalarınıñ ärtürli boluına da osı sebep. Mısalı bir qaladağı därihanalar arasında bağalardıñ ayırmaşılığı 20 payızğa jetse, narıqta preparat tapşılığı tuındağan jağdayda üsteme bağa 200 payızğa deyin de ösip ketui mümkin. Endi jaqın uaqıtta därilerdiñ şekti bağaların belgileu bwl jağdaydı özgertui mümkin.

“The Qazaq Times”