Foto: geologylearn.blogspot.com

Älemdik narıqta mwnayğa swranıs 2017 jıldıñ 3 toqsanında artuı mümkin. Bwl kezeñ şikizat narığındağı jaqsı körsetkiş boladı. Reseydiñ energetika ministri Aleksandr Novak osılay mälimdedi, dep habarlaydı  CNBC.

"Memleketter narıqtağı mwnaydıñ artıq kölemin öndirmeuge tırısıp jatır. Bwl process jıldam bolmaydı. Jağdaydı barınşa baqılap, onıñ qalay damitının qarau kerek. Biraq biz osı jıldıñ 3 toqsanında körsetkiştiñ dwrıs bolatınına senimdimiz: bwl kezeñde swranıs artadı, öndiristiñ artıq kölemin täuligine 1,8 mln barrel'ge azaytuğa mümkindik beredi", - dedi ol.

Reseylik ministrdiñ sözinşe, bağa dağdarısı äli de bar, biraq mwnay kölemin qısqartu turalı kelisim narıqqa äser etken. Sonday-aq, ol 2018 jıldıñ 1 toqsanında şikizatqa degen jahandıq swranıs qalıpqa kele bastaydı degendi aytadı.

Qazirgi kezde (11 şilde) Brent markalı mwnaydıñ bağası 47,2 dollar şamasında belgilengen.

Ayta keteyik, osı jıldıñ 25 mamırında OPEK elderi mwnay kölemin qısqartu turalı kelisim merzimin tağı wzartqan bolatın. Endi kelisim 2018 jıldıñ 31 naurızına deyin sozıluı mümkin.

“The Qazaq Times”