QR prezidenti Nwrswltan Nazarbaev. Foto: The Daily Signal.

AQŞ prezidenti Donal'd Tramp Qazaqstan prezidenti Nwrswltan Nazarbaevtı jäne barlıq qazaqstandıqtardı Orta Aziyada alğaş ret ötkizilip otırğan Halıqaralıq «EKSPO-2017» mamandandırılğan körmesiniñ ötkiziluimen qwttıqtadı. Bwl turalı Aqordanıñ resmi saytı habarlap otır.

AQŞ prezidenti öziniñ qwttıqtauında atalğan älemdik şaranıñ arqasında Qazaqstannıñ jäne älem elderinen keletin milliondağan qonaqtar adam parasatınıñ tuındıları sanalatın tehnologiyalıq innovaciya men 115 eldiñ tamaşa äriptestigine kuä bolatının jetkizgen. Tramp hatında: «Amerika Qwrama Ştattarı Astanadağı «EKSPO-2017» körmesine qatısıp, Amerikanıñ energetika, ğılım jäne tehnologiya salalarındağı üzdik jetistikterin, sonday-aq san qırlı mädenietimizdi körsetudi zor märtebe sanaydı», – dep jazğan.

Sonday-aq, D. Tramp AQŞ pen Qazaqstan arasındağı şirek ğasırdağı strategiyalıq seriktestiktiñ mañızdı atap ötken. Qwrama Ştattardıñ aldağı uaqıtta da öñirdegi beybitşilikti, twraqtılıq pen ösip-örkendeudi qoldauğa nietti ekenin aytıp ötken.

AQŞ prezidenti hatında: «Prezident mırza, «EKSPO-2017» körmesi arqılı energetikalıq qauipsizdik mäseleleri jönindegi jahandıq dialogtı odan äri ilgeriletudegi sizdiñ közqarasıñız ben köşbasşılığıñız üşin, Sizge jäne Qazaqstanğa iltipatımdı bildiremin. Özara sıylastıq pen ortaq müddege negizdelgen AQŞ-Qazaqstan arasındağı strategiyalıq seriktestik odan äri nığaya tüsedi dep senemin», – deydi D. Tramp.

“The Qazaq Times”