Foto: Massaget

Qazaqstannıñ eñbek siñirgen qayratkeri, belgili kinosınşı Bauırjan Ramazanwlı Nögerbek 69-jasında ömirden ozdı.

Bauırjan Ramazanwlı Nögerbek 1948 jılı 6 tamızda Qarağandı oblısı Wlıtau audanı Wlıtau auılında düniege kelgen. 1971 jılı Mäskeu qalasındağı Memlekettik kinematografiya institutınıñ kinotanu fakul'tetin bitirdi.

Sanalı ğwmırınıñ köp böligin T.Jürgenov atındağı Wlttıq öner akademiyasında wstazdıq etuge arnağan talanttı twlğa –atalğan bilim ordasında twñğış «Kino jäne TV» fakul'teti men «Önertanu» kafedrasın qwrğan aytulı azamattardıñ biri. Onıñ qazaq kino öneriniñ keşegisi men bügingisi, bolaşağı turalı jazğan qwndı eñbekteri älemniñ birneşe tiline audarılğan. Kinotanu mamandığınıñ damuına eleuli üles qosqan qayratker är jıldarı «Şäken jwldızdarı», «Euraziya», «Altın minber» halıqaralıq kinofestival'deriniñ qazılar alqasınıñ qwramında boldı.

“The Qazaq Times”