"929" wşağınıñ ülgisi. Foto: People.com.cn

Osıdan bwrın Resey men Qıtay birlese otırıp, «Boeing», «Airbus» äue kompaniyalarımen bäsekelese alatın jolauşı-tasımal wşaqtarın jasaytın firma qwrğanı turalı habarlanğan edi. Eki el birlesken «China-Russia Commercial Aircraft Corporation Ltd.» kompaniyası jasağalı otırğan wşaq ülgisi osı aptada alğaş ret jwrtqa tanıstırıldı.  

Qıtaydıñ «People.com.cn» saytınıñ habarlauınşa, älemdegi eñ ozıq jolauşı-tasımal wşağınıñ ülgisi alğaş ret 52-şi kezekti ötkizilip otırğan Parij-Bourget halıqaralıq aviaciya-ğarış körmesinde körsetilgen. Jasalğalı jatqan alıs aralıqqa wşatın äri keñ jolauşılar wşağı üş ülken kabinadan twradı. Olar bas kabina, biznesmender kabinası jäne jolauşılar kabinası qatarlılar. Bir rette 280 jolauşını alıp wşuğa qabiletti, 12 mıñ şaqırım aralıqqa wşa aladı.

Birlesken jobağa eki el 13-20 mlrd dollar qarjı qosqan. Özderi «älemdegi teñdessiz» dep atağan bwl wşaqqa «929» degen at berilmek.

“The Qazaq Times”