Foto: Geo-review.com

Qazaqstan men Finlyandiya arasında tikeley äue qatınası aşıldı.

«Finnair» äue kompaniyası Helsinkiden Astanağa alğaşqı reyspen kelgen bolatın.  Qazaqstan men Finlyandiya arasındağı tikeley reys aptasına eki ret, särsenbi jäne jwma künderi qatınaytın boladı. Atalmış reysterdi orındaytın Airbus 319 äue kemesi Astanadan  jergilikti uaqıt boyınşa sağat 05:40-ta  wşadı.

«Eki el arasındağı reysti aşuda QR IDM Azamattıq aviaciya komiteti men Finlyandiyanıñ aviaciyalıq biligi birlese jwmıs atqardı. Halıqaralıq EKSPO-2017  körmesiniñ ötuine baylanıstı fin tarapına aptasına 7 reys orındau qwqığı berildi. Ayta keteyik, birinşi reyspen Finlyandiyanıñ sırtqı sauda jäne damu ministri Kay Myukkyanen bastağan delegaciya Astanağa kelgen edi. Sonımen qatar, jaqın arada Finlyandiya prezidenti Qazaqstanğa resmi saparımen keledi dep kütilude»,-delingen QR IDM mälimdemesinde.

JACDEC zertteu byurosınıñ aqparatı boyınşa Finlyandiyanıñ «Finnair» iri äue kompaniyası 2012-2013 jıldarı Europadağı eñ qauipsiz äue kompaniyası atanğan jäne qauipsizdik jöninen älem boyınşa ekinşi orındı ielenedi eken.

“The Qazaq Times”