Bangalor qalasındağı tärtipsiz oqiğası Foto: The New York Times

Ündistanda jaña jıl qarsañında orın alğan jappay tärtipsizdik oqiğasınan köptegen äyelder zardap şekti.

«Jappay tärtipsizdik oqiğası» turalı habarlar qazir ündistandıq BAQ-tı şarlap jür. The New York Times-tıñ habarlauınşa, jaña jıl qarsañında, Ündistannıñ Bangalor qala köşelerinde köptegen äyelder köşe tolı sodırlardıñ zorlauı men jäbirleuine wşırağan. Qalanı tärtipke salıp, bwzaqılardı taratu üşin qalanıñ barlıq qwqıq qorğau orındarı jwmıldırılğan. Jerlgilikti şeneunikter oqiğanı teksere kele, äyelderdiñ zorlıq-zombılıqqa wşırauındağı bastı sebep –olardıñ kiim kiyu stilinde degendi ayttı.

Bwnday oqiğalar soñğı jıldarı Ündistan elinde köptep tuıluda. 2012 jılı 23 jastağı ündistandıq qız äleumettik kölik işinde bir top sodırlar jağınan jäbirlenip, keyin auır jaraqattan qaytıs bolğan. Alayda, sol kezde qılmıstıq isti tergeuşiler bastı kinänı jäbirlenuşiniñ özinde dep tapqan. Sebebi, qızdıñ Batıs ülgisindegi aşıq-şaşıq kiinui, sodırlardıñ mwnday qadamğa baruına türtki bolğan degen şeşimge toqtalğan. Osıday şeşimderge qarsı qoğam müşeleri narazılıq tanıtıp keledi. Ündistan ükimeti zañ-tüzimdi barınşa qataytıp, qoğamdıq baqılaudı arttırğanımen mwnday oqiğalar jıldan-jılğa köbeye tüsken. Qazir Ündistan ükimetinde köptegen şeneunikter osınday oqiğalarğa sebepşi bolatın batısşa kiinudi şekteu şarasın wsınıp otır.

"The Qazaq Times"