اشىق-شاشىق كيىنۋ ۇندىلەردى قىلمىسقا يتەرمەلەپ وتىر

ءۇندىستاندا جاڭا جىل قارساڭىندا ورىن العان جاپپاي تارتىپسىزدىك وقيعاسىنان كوپتەگەن ايەلدەر زارداپ شەكتى.

«جاپپاي تارتىپسىزدىك وقيعاسى» تۋرالى حابارلار قازىر ۇندىستاندىق باق-تى شارلاپ ءجۇر. The New York Times-تىڭ حابارلاۋىنشا، جاڭا جىل قارساڭىندا، ءۇندىستاننىڭ بانگالور قالا كوشەلەرىندە كوپتەگەن ايەلدەر كوشە تولى سودىرلاردىڭ زورلاۋى مەن جابىرلەۋىنە ۇشىراعان. قالانى تارتىپكە سالىپ، بۇزاقىلاردى تاراتۋ ءۇشىن قالانىڭ بارلىق قۇقىق قورعاۋ ورىندارى جۇمىلدىرىلعان. جەرلگىلىكتى شەنەۋنىكتەر وقيعانى تەكسەرە كەلە، ايەلدەردىڭ زورلىق-زومبىلىققا ۇشىراۋىنداعى باستى سەبەپ –ولاردىڭ كيىم كيۋ ستيلىندە دەگەندى ايتتى.

بۇنداي وقيعالار سوڭعى جىلدارى ءۇندىستان ەلىندە كوپتەپ تۋىلۋدا. 2012 جىلى 23 جاستاعى ۇندىستاندىق قىز الەۋمەتتىك كولىك ىشىندە ءبىر توپ سودىرلار جاعىنان جابىرلەنىپ، كەيىن اۋىر جاراقاتتان قايتىس بولعان. الايدا، سول كەزدە قىلمىستىق ءىستى تەرگەۋشىلەر باستى كىنانى جابىرلەنۋشىنىڭ وزىندە دەپ تاپقان. سەبەبى، قىزدىڭ باتىس ۇلگىسىندەگى اشىق-شاشىق كيىنۋى، سودىرلاردىڭ مۇنداي قادامعا بارۋىنا تۇرتكى بولعان دەگەن شەشىمگە توقتالعان. وسىداي شەشىمدەرگە قارسى قوعام مۇشەلەرى نارازىلىق تانىتىپ كەلەدى. ءۇندىستان ۇكىمەتى زاڭ-ءتۇزىمدى بارىنشا قاتايتىپ، قوعامدىق باقىلاۋدى ارتتىرعانىمەن مۇنداي وقيعالار جىلدان-جىلعا كوبەيە تۇسكەن. قازىر ءۇندىستان ۇكىمەتىندە كوپتەگەن شەنەۋنىكتەر وسىنداي وقيعالارعا سەبەپشى بولاتىن باتىسشا كيىنۋدى شەكتەۋ شاراسىن ۇسىنىپ وتىر.

"The Qazaq Times"