Reseydiñ ekonomikalıq damu ministri Maksim Oreşkin Foto:Kirill Kuhmar'/TASS

Reseydiñ ekonomikalıq damu ministri Maksim Oreşkinniñ sözinşe, Ukraina Düniejüzilik sauda wyımınıñ mindetterin bwzıp, halıqaralıq sauda erejelerin joqqa şığarıp otır. Osı sebepti de Resey Ukraina tarapınan özderine salınıp jatqan sankciyalarğa köp boluına baylanıstı DSW-ğa şağım tüsirgen.

"Düniejüzilik sauda wyımınıñ Resey ökilderi Ukraina tarapınan ünemi bolatın sankciyalarğa baylanıstı konsul'taciya ötkizuge ötiniş jiberdi. Olar 2014 jıldan beri reseylik tauarlarğa jäne Ukraina narığında qızmet körsetip otırğan reseylik twlğalarğa  tıyım saladı nemese talaptardı qatañdatatıp keledi", - dedi Oreşkin Aziya-tınıq mwhitı ekonomikalıq ıntımaqtastığı elderiniñ sauda ministrleriniñ kezdesui kezinde.

Oreşkinniñ sözinşe, bwl sankciyalardıñ bäri Ukraina ekonomikasın jaqsartudıñ ornına, kerisinşe, qosımşa mäseleler tuındatuı mümkin. "Eger Ukraina mwnday sankciyalardı köbeyte beretin bolsa, biz DSW talaptarın bwzıp otır dep qabıldaymız", - dedi ministr.

Ayta keteyik, bwğan deyin Ukraina Reseydiñ tättilerine 5 jılğa deyin baj salığın engizgen bolatın. Ukraina biliginiñ mälimetinşe, olar kakaodan jasalğan tättilerdiñ bağasın işki narıqqa qarağanda arzan belgilegen.

"The Qazaq Times"