رەسەيدىڭ ەكونوميكالىق دامۋ ءمينيسترى ماكسيم ورەشكيننىڭ سوزىنشە، ۋكراينا دۇنيەجۇزىلىك ساۋدا ۇيىمىنىڭ مىندەتتەرىن بۇزىپ، حالىقارالىق ساۋدا ەرەجەلەرىن جوققا شىعارىپ وتىر. وسى سەبەپتى دە رەسەي ۋكراينا تاراپىنان وزدەرىنە سالىنىپ جاتقان سانكتسيالارعا كوپ بولۋىنا بايلانىستى دسۇ-عا شاعىم تۇسىرگەن.
"دۇنيەجۇزىلىك ساۋدا ۇيىمىنىڭ رەسەي وكىلدەرى ۋكراينا تاراپىنان ۇنەمى بولاتىن سانكتسيالارعا بايلانىستى كونسۋلتاتسيا وتكىزۋگە ءوتىنىش جىبەردى. ولار 2014 جىلدان بەرى رەسەيلىك تاۋارلارعا جانە ۋكراينا نارىعىندا قىزمەت كورسەتىپ وتىرعان رەسەيلىك تۇلعالارعا تىيىم سالادى نەمەسە تالاپتاردى قاتاڭداتاتىپ كەلەدى", - دەدى ورەشكين ازيا-تىنىق مۇحيتى ەكونوميكالىق ىنتىماقتاستىعى ەلدەرىنىڭ ساۋدا مينيسترلەرىنىڭ كەزدەسۋى كەزىندە.
ورەشكيننىڭ سوزىنشە، بۇل سانكتسيالاردىڭ ءبارى ۋكراينا ەكونوميكاسىن جاقسارتۋدىڭ ورنىنا، كەرىسىنشە، قوسىمشا ماسەلەلەر تۋىنداتۋى مۇمكىن. "ەگەر ۋكراينا مۇنداي سانكتسيالاردى كوبەيتە بەرەتىن بولسا، ءبىز دسۇ تالاپتارىن بۇزىپ وتىر دەپ قابىلدايمىز", - دەدى مينيستر.
ايتا كەتەيىك، بۇعان دەيىن ۋكراينا رەسەيدىڭ تاتتىلەرىنە 5 جىلعا دەيىن باج سالىعىن ەنگىزگەن بولاتىن. ۋكراينا بيلىگىنىڭ مالىمەتىنشە، ولار كاكاودان جاسالعان تاتتىلەردىڭ باعاسىن ىشكى نارىققا قاراعاندا ارزان بەلگىلەگەن.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
بىشكەكتە كاسىپكەرلەر جاڭا سالىق ەرەجەلەرىنە قارسى اكتسيا وتكىزدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى