Qazaqstan BWW qauipsizdik keñesinde Foto: slideshare.net

Qazaqstan 2017 jaña jıldıñ alğaşqı künin  BWW Qauipsizdik Keñesiniñ twraqtı emes müşe eli bolumen bastadı. Bwl Ortalıq Aziya boyınşa atalğan keñeske müşe bolğan twñğış el bolıp sanaladı.

Ötken jılı 28 mausımda Qazaqstan BWW-nıñ 70 kezekti plenaralıq otırısında 138 dauıstan 55 dauıs jinap, müşelikke ümitker Taylant, Efiopiya, Boliviya, Şveciya qatarlı elderden basım tüsip, 2017-2018 jıl aralığında Qauipsizdik keñesine twraqtı emes müşesi bolıp tağayındalğan. 2017 jıldıñ 1 qañtarınan bastap resmi türde Qauipsizdik keñeñsiniñ müşe eli bolıp sanaladı.

QR prezidenti N. Nazarbaev Qazaqstannıñ BWW Qauipsizdik keñesine müşe boluınıñ mañızı turalı söylegen sözinde: «2017-2018 jıldarda kezekten tıs halıqaralıq qatınastarda qalıptasqan şeşilui qiın eski problemalarmen qatar, kürdeli jaña problemalar da tuadı. Qazaqtsannıñ bwl keñeske müşe boluı, halıqaralıq qatınastardıñ bolaşağınan alıp aytqanda, osı kezdesetin problemalardı şeşudi qamtamasız etetin bir orayı» - degen bolatın. Sonımen birge «Qazaqstan älem nazarındağı yadrolıq qwraldan bas tartu isin tabandı jalğastıradı. Biologiyalıq jäne himiyalıq qarulardı joyu isine at salısadı, lañkestikke qarsı twru isine, su, energetika jäne azıq-tülik qauipsizdigin qamtamasız etuge küş saladı» dep atap ayttı.

BWW Qauipsizdik keñesi wyımında 5 twraqtı, 10 twraqtı emes müşesi bolıp jalpı 15 el bar. Twraqtı müşler – AQŞ, Resey, Qıtay, Wlı Britaniya jäne  Franciya sındı bes el. Qalğan 10 twraqtı emes müşeni BWW bas assambleyası 193 eldiñ işinen taldap aladı. Onıñ özinde de 3\2 dauıs jinağan eldi qabıldaydı.

Qıtay aqparat qwraldarında bwl turalı aqparattı taratumen birge Qazaqstannıñ qazirgi halıqaradağı bedeliniñ artıp kele jatqanın da söz etipti. Mısal retinde Qıtaydıñ eñ ülken aqparattıq sayttarınıñ biri «Qıtay-aqparat» saytı (news.sina.com.cn): «Qazaqstan osığan deyin Euraziyalıq sauda odağına, Şanhay ıntımaqtastıq wyımına jäne basqa da köptegen halıqaralıq wyımdarğa müşe el retinde BWW qauipsizdik keñeñsiniñ senimine ie el. Soñğı jıldarı Qazaqstannıñ halıqaralıq bedeli joğarlap keledi. Aytalıq Ukraina dağdarısın şeşuge belsene at salıstı jäne Siriya isin beybit şeşu kelissözderine flatformalardı  qamtamasız etti. Sonımen qatar Qazaqstan Ortalıq Aziyadağı ıqpaldı el. Qazaqstan Ortalıq-Aziyanıñ ökili retinde öñirdiñ qauipsizdigi men twraqtılığın saqtauda ülken röl oynaydı» - dep jazğan.

"The Qazaq Times"