Foto: svoboda.org

Soltüstik Koreya biligi "qastandıq äreket jasamaq boldı" degen ayıppen AQŞ azamatınıñ wstalğanı turalı mälimdedi. Bwl soñğı eki aptada qaytalanıp otırğan ekinşi jağday. 

Soltüstik koreyalıq ortalıq telegraf agenttiginiñ mälimetinşe, Kim Hak Son senbi küni, yağni 6 mamırda wstalğan. "Tiisti vedomstvo ökilderi jan-jaqtı tergeu jwmıstarın jürgizip jatır", - delingen habarlamada.

Agenttiktiñ aqparatınşa, Kim Hak Son Phen'yannıñ bilim jäne tehnologiya universitetinde jwmıs istegen.

Ayta keteyik, bwğan deyin soltüstik koreyalıq BAQ säuir ayınıñ soñında Phen'yanda tağı bir AQŞ azamatı Kim San Doktıñ (Ton Kim) wstalğanın habarlağan. Oğan "KHDR ükimetin qwlatuğa äreket jasadı" degen kinä tağılıp otır. Ol da Phen'yannıñ bilim jäne tehnologiya universitetiniñ qızmetkeri bolğan.

Eskerte ketetin jayt, Soltüstik Koreya men AQŞ arasında eşqanday diplomatiyalıq qarım-qatınas ornamağan.  2009 jıldan beri qaray 10 amerikalıq jäne özge el azamatı Soltüstik Koreya jerinde küdikti retinde qolğa alınğan.

“The Qazaq Times”