Auğanstannıñ Qazaqstandağı bwrınğı elşisi Mohammad Faruk Baraki. Foto: centralasian.org

Qazaqstan sırtqı ister ministriniñ orınbasarı Mwhtar Tileuberdi Auğanstannıñ Qazaqstandağı bwrınğı elşisi Mohammad Faruk Barakidiñ "bomba turalı" aytqanın "orınsız äzil" dep atadı. Bwl turalı "Ortalıq Aziya habar qızmeti" jazdı. 

Jergilikti aqparat qwraldarınıñ habarlauınşa, Baraki 1 mamırda Kabulğa wşu kerek bolğan. Astana äuejayında keden qızmetkerleriniñ diplomat qol jügi turalı swrağına ol "bomba" dep jauap bergen. Sol sebepti kedenşiler onı reyske jibermey qoyğan.

Mwhtar Tileuberdiniñ jurnalisterge aytuınşa, arnayı qızmet mamandarı onıñ diplomatiyalıq märtebesinen beyhabar bolğan. Degenmen Tileuberdi auğan diplomatınıñ äzilin "orınsız" dep sipattadı. Onıñ aytuınşa, tüsinbeuşilik şeşimin taptı, al diplomatqa eline oraluğa rwqsat berdi.

Astana äuejayınıñ baspasöz hatşısı Kamila Qasımbekovanıñ aytuınşa, diplomat bwl jauabımen "erejeni öreskel bwzğan", diplomatiyalıq märtebesi ğana onı qorğap qalğan.

“The Qazaq Times”