استانا «بومباسى بار» اۋعان ديپلوماتى تۋرالى پىكىر ءبىلدىردى

قازاقستان سىرتقى ىستەر ءمينيسترىنىڭ ورىنباسارى مۇحتار تىلەۋبەردى اۋعانستاننىڭ قازاقستانداعى بۇرىنعى ەلشىسى موحامماد فارۋك باراكيدىڭ "بومبا تۋرالى" ايتقانىن "ورىنسىز ءاءزىل" دەپ اتادى. بۇل تۋرالى "ورتالىق ازيا حابار قىزمەتى" جازدى. 

جەرگىلىكتى اقپارات قۇرالدارىنىڭ حابارلاۋىنشا، باراكي 1 مامىردا كابۋلعا ۇشۋ كەرەك بولعان. استانا اۋەجايىندا كەدەن قىزمەتكەرلەرىنىڭ ديپلومات قول جۇگى تۋرالى سۇراعىنا ول "بومبا" دەپ جاۋاپ بەرگەن. سول سەبەپتى كەدەنشىلەر ونى رەيسكە جىبەرمەي قويعان.

مۇحتار تىلەۋبەردىنىڭ جۋرناليستەرگە ايتۋىنشا، ارنايى قىزمەت ماماندارى ونىڭ ديپلوماتيالىق مارتەبەسىنەن بەيحابار بولعان. دەگەنمەن تىلەۋبەردى اۋعان ديپلوماتىنىڭ ءازىلىن "ورىنسىز" دەپ سيپاتتادى. ونىڭ ايتۋىنشا، تۇسىنبەۋشىلىك شەشىمىن تاپتى، ال ديپلوماتقا ەلىنە ورالۋعا رۇقسات بەردى.

استانا اۋەجايىنىڭ ءباسپاسوز حاتشىسى كاميلا قاسىمبەكوۆانىڭ ايتۋىنشا، ديپلومات بۇل جاۋابىمەن "ەرەجەنى ورەسكەل بۇزعان", ديپلوماتيالىق مارتەبەسى عانا ونى قورعاپ قالعان.

“The Qazaq Times”