Mosul qalası Irak. Foto: MDTV

Irak Äskeri qolbasşılıq ştabınıñ bastığı general Osman äl-Ganimi Mosuldı lañkesterden tazartu operaciyasınıñ soñğı merzimine ötkenin, üş apta işinde bwl tazalau äreketin nätijeli tamamdaytındarın mälim etti.  

Irak qarulı küşteriniñ körsetken mälimetine süyensek DAIŞ terrorlıq wyımı Iraktıñ ekinşi ülken qalası Mosuldıñ  35 payız aumağın öz baqılaularına wstap otır. Ükimet armiyası üş apta işinde Mosul qalasın tolıqtay qaytarıp alamız dep habarladı.

Mosul qalası Iraktıñ soltüstigindegi mañızdı qala. Eldegi ekinşi ülken qala bolıp sanaladı. 2014 jılı DAIŞ lañkestik wyımı qalanı basıp alğan bolatın. Mosuldı azat etu üşin ötken jıldıñ qazan ayınan bastap Irak ükimeti halıqaralıq lañkestikke qarsı twru wyımdarı jäne birqatar elderdi jwmıldırğan. Mosul şayqası bastalğan kezdegi mälimetterde qalada 6 mıñ DAIŞ müşesi bar delingen. Al büginder Mosuldıñ 35 payız aumağın qaramağına alıp otırğan 200-300 lañkes bar dep körsetilgen.

The Qazaq Times