يراك اسكەري قولباسشىلىق شتابىنىڭ باستىعى گەنەرال وسمان ءال-گانيمي موسۋلدى لاڭكەستەردەن تازارتۋ وپەراتسياسىنىڭ سوڭعى مەرزىمىنە وتكەنىن، ءۇش اپتا ىشىندە بۇل تازالاۋ ارەكەتىن ناتيجەلى تامامدايتىندارىن مالىم ەتتى.
يراك قارۋلى كۇشتەرىنىڭ كورسەتكەن مالىمەتىنە سۇيەنسەك دايش تەررورلىق ۇيىمى يراكتىڭ ەكىنشى ۇلكەن قالاسى موسۋلدىڭ 35 پايىز اۋماعىن ءوز باقىلاۋلارىنا ۇستاپ وتىر. ۇكىمەت ارمياسى ءۇش اپتا ىشىندە موسۋل قالاسىن تولىقتاي قايتارىپ الامىز دەپ حابارلادى.
موسۋل قالاسى يراكتىڭ سولتۇستىگىندەگى ماڭىزدى قالا. ەلدەگى ەكىنشى ۇلكەن قالا بولىپ سانالادى. 2014 جىلى دايش لاڭكەستىك ۇيىمى قالانى باسىپ العان بولاتىن. موسۋلدى ازات ەتۋ ءۇشىن وتكەن جىلدىڭ قازان ايىنان باستاپ يراك ۇكىمەتى حالىقارالىق لاڭكەستىككە قارسى تۇرۋ ۇيىمدارى جانە بىرقاتار ەلدەردى جۇمىلدىرعان. موسۋل شايقاسى باستالعان كەزدەگى مالىمەتتەردە قالادا 6 مىڭ دايش مۇشەسى بار دەلىنگەن. ال بۇگىندەر موسۋلدىڭ 35 پايىز اۋماعىن قاراماعىنا الىپ وتىرعان 200-300 لاڭكەس بار دەپ كورسەتىلگەن.
The Qazaq Times
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى
ورتالىق ازيا: تاريحي، ساياسي جانە ەكونوميكالىق مۇددەلەر اياسىندا
قىرعىزستاندا تاۋەلسىز Kloop باسىلىمىنىڭ قىرعىز تىلىندەگى سايتى بۇعاتتالدى
رەسەيدىڭ دونەتسك وبلىسى كونستانتينوۆكا قالاسىنداعى بازارعا شابۋىلىنان 16 ادام قازا تاپتى
سادىر جاپاروۆ ىستىقكولدەگى ءتورت پانسيوناتتى وزبەكستانعا بەرۋ سەبەبىن ءتۇسىندىردى
پيگوجيننىڭ «ۆاگنەر» توبى ماسكەۋ تۇبىنە كەلىپ شەگىنىپ كەتتى