Ortalıq Aziya jäne Orta Şığıstağı derjavalardıñ äskeri bazaları. Foto: Global Research.

«Pars.Aqparat» agenttiginiñ habarına qarağanda, AQŞ Orta-Şığıstağı 20-dan asa memlekettiñ şekarasın özgertuge tırısuda. Atalğan aqparattıñ resmi saytında Türkiya Barlau basqarmasınıñ bwrınğı bastığınıñ sözine silteme jasalıptı. Onıñ aytuınşa AQŞ-tıñ bwl äreketi Irannıñ aymaqtağı küş-quatınıñ artıp ketuiniñ aldın alu üşin jasalıp otır.

Türkiya äskeriniñ Barlau basqarması bwrınğı bastığı Smayıl Haki Pakin «Sputnik» aqparat agenttigine bergen swhbatında, AQŞ ükimetiniñ Orta-Şığıstağı keminde 20 eldiñ memlekettik şekarasın özgertuge tırısıp jatqanın, bwl äreketiniñ sionistik rejimniñ aymaqtağı müddesi saqtau jäne Irannıñ ıqpal küşiniñ artıp ketpeui üşin jasalıp jatqanın aytqan.

AQŞ ükimetiniñ Iranğa qarata jaña äri qatañ sayasattı äzirlep otırğanı anıq. Tramp biligi bwrınğı kelisimdi tım jwmsaqtıqpen jasalğan dep sanap, Iran yadrolıq bağdarlamasın qatañ tejeytin jaña kelisimdi iske asıruğa tırısuda. Jaqında Iranda bilik basşılığı auısuı da mümkin. Iran prezidenti öz orının saqtap qalğan kündede, osığan deyingi prezidenttik qızmetindegi mämileşildigin körsete bermeui ıqtimal.

The Qazaq Times