![](https://qazaqtimes.com/kk/content/uploads/2017/04/tramp2_455-800x480.jpg?token=6757fdfca87b83690bf18a1318816d08)
Sayasattı zertteu bağalauğa birneşe ret qatısqan Aq üy şeneuniginiñ aytuınşa, Aq üy ötken aptada AQŞ Memlekettik departamenti wsınğan jobanı qabıldamay tastağan. Bwl qwjat jobası Iran yadrolıq bağdarlaması isine qaratılğan. Alayda, qwjat boyınşa Iran yadrolıq bağdarlaması Tramp ükimeti kiligetindey deñgeyde emes bolıp şıqqan. Aq üy tarabı AQŞ Memlekettik departamentiniñ tipti de qatañ poziciyadağı qwjattama qabıldauın talap etip otır.
Aq üy ökiliniñ aytuınşa, Iranğa bağıttalıp AQŞ Memlekettik departamenti dayındağan hatnama tım mämileşil bolıptı. Sebebi, mwnda Irannıñ yadrolıq quatı küşeyse Orta-Şığıstıñ twraqsızdığı men aymaqtağı terroristik küşterdi qoldau tebininiñ artıp ketetindigi eskerilmegen degen sın taqqan. 18 säuir küni wsınılğan bwl qwjat Aq üydiñ köñiline tolmaydı. Aldağı uaqıtta bwl hatnamanı dayındauğa AQŞ prezidenti özi pärmen bergeli otır.
Tramp ükimetiniñ bastı maqsatı Iran yadrolıq mäselesinde bwdan bwrın qol qoyılğan kelisimnen köri qatañ kelisimge qol jetkizu. Alayda, Iran AQŞ ükimeti osıdan bwrın qol qoyğan kelisimdi köldeneñ tartıp, Amerikanıñ jaña ükimetiniñ bwl isin arandatuşılıq dep tabarı mwnda twr. Amerika üşin Iran Orta-Şığıs twraqsızdığın qalıptastıratın bastı el. Al, onıñ yadrolıq damuı bwl twraqsızdıqtıñ bastı sebebi boladı dep alañdaydı.
Osınıñ bäri aldağı uaqıtta Iran-AQŞ arasında tuılğalı twrğan jaña teke-tirestiñ signalı bolıp otır. Tramptıñ Iranğa degen sayasatı sol eldiñ Memlekettik departamenti, sonday-aq özge europalıq elderden köri qatañ bolatını anıq boldı. AQŞ-tıñ Orta-Şığıs mäselesinde tereñdep tamır tartıp qalğan müddesi jaña dau-janjal, qaqtığıstardı auaday qajet etedi. Bwl bolaşaq Qazaqstanğa jaqın aymaq Orta-Şığıstıñ jaña jağdayın alıstan añdatıp twr.
The Qazaq Times