اقش يرانعا ءتىپتى دە قاتاڭ جاڭا ساياسات ازىرلەپ جاتىر

 ساياساتتى زەرتتەۋ باعالاۋعا بىرنەشە رەت قاتىسقان اق ءۇي شەنەۋنىگىنىڭ ايتۋىنشا، اق ءۇي وتكەن اپتادا اقش مەملەكەتتىك دەپارتامەنتى ۇسىنعان جوبانى قابىلداماي تاستاعان. بۇل قۇجات جوباسى يران يادرولىق باعدارلاماسى ىسىنە قاراتىلعان. الايدا، قۇجات بويىنشا يران يادرولىق باعدارلاماسى ترامپ ۇكىمەتى كيلىگەتىندەي دەڭگەيدە ەمەس بولىپ شىققان. اق ءۇي تارابى اقش مەملەكەتتىك دەپارتامەنتىنىڭ ءتىپتى دە قاتاڭ پوزيتسياداعى قۇجاتتاما قابىلداۋىن تالاپ ەتىپ وتىر.  

اق ءۇي وكىلىنىڭ ايتۋىنشا، يرانعا باعىتتالىپ اقش مەملەكەتتىك دەپارتامەنتى دايىنداعان حاتناما تىم مامىلەشىل بولىپتى. سەبەبى، مۇندا يراننىڭ يادرولىق قۋاتى كۇشەيسە ورتا-شىعىستىڭ تۇراقسىزدىعى مەن ايماقتاعى تەرروريستىك كۇشتەردى قولداۋ تەبىنىنىڭ ارتىپ كەتەتىندىگى ەسكەرىلمەگەن دەگەن سىن تاققان. 18 ءساۋىر كۇنى ۇسىنىلعان  بۇل قۇجات اق ءۇيدىڭ كوڭىلىنە تولمايدى. الداعى ۋاقىتتا بۇل حاتنامانى دايىنداۋعا اقش پرەزيدەنتى ءوزى پارمەن بەرگەلى وتىر.

ترامپ ۇكىمەتىنىڭ باستى ماقساتى يران يادرولىق ماسەلەسىندە بۇدان بۇرىن قول قويىلعان كەلىسىمنەن كورى قاتاڭ كەلىسىمگە قول جەتكىزۋ. الايدا، يران اقش ۇكىمەتى وسىدان بۇرىن قول قويعان كەلىسىمدى كولدەنەڭ تارتىپ، امەريكانىڭ جاڭا ۇكىمەتىنىڭ بۇل ءىسىن ارانداتۋشىلىق دەپ تابارى مۇندا تۇر. امەريكا ءۇشىن يران ورتا-شىعىس تۇراقسىزدىعىن قالىپتاستىراتىن باستى ەل. ال، ونىڭ يادرولىق دامۋى بۇل تۇراقسىزدىقتىڭ باستى سەبەبى بولادى دەپ الاڭدايدى.

وسىنىڭ ءبارى الداعى ۋاقىتتا يران-اقش اراسىندا تۋىلعالى تۇرعان جاڭا تەكە-تىرەستىڭ سيگنالى بولىپ وتىر. ترامپتىڭ يرانعا دەگەن ساياساتى سول ەلدىڭ مەملەكەتتىك دەپارتامەنتى، سونداي-اق وزگە ەۋروپالىق ەلدەردەن كورى قاتاڭ بولاتىنى انىق بولدى. اقش-تىڭ ورتا-شىعىس ماسەلەسىندە تەرەڭدەپ تامىر تارتىپ قالعان مۇددەسى جاڭا داۋ-جانجال، قاقتىعىستاردى اۋاداي قاجەت ەتەدى. بۇل بولاشاق قازاقستانعا جاقىن ايماق ورتا-شىعىستىڭ جاڭا جاعدايىن الىستان اڭداتىپ تۇر.

The Qazaq Times