Qonaq üy Foto: czech-rurepublic-gb.ru

Sayahatqa şıqqanda nemese issaparda qonaq üylerdiñ qızmetine jüginip jatamız. Biraq köptegen qızmet türleri men qonaq üydiñ jwldız sanına  baylanıstı uaqıtşa twraqtaytın jerdi  qaltamızdıñ qalıñdığına qaray da tañdaytınımız ras. Biraq arzan dep – sapasızına, qımbat bolsa – artıq  tölep, uäde etilgen qızmet türine qol jetkize almay jatatın jağdaylar jii kezdesedi.

Sol sebepti de qonaq üyde bolğan keleñsizdikter sizdiñ sayahatıñızdıñ sänin ketirmeu üşin, nazarlarıñızğa köpşilik bile bermeytin qonaq üylerge baylanıstı «layfhaktardı» wsınamız.

1. Däl osınday bölmeni eki ese arzan bağağa aluğa da boladı.

Foto: pixabay

Qonaq üydegi soñğı bos bölmeler key kezde jartı bağasına wsınıladı. Bwl bölmeniñ mülde bos qalğanına qarağanda edäuir tiimdi. Biraq bwl turalı qonaq üy äkimşiligi eş jerge jariyalamaydı. Öytkeni, kez-kelgen uaqıtta onı tolıq bağasına da bireu jaldap qaluı mümkin. Sondıqtan da, sayttardan bölme jaldağanda qonaqüylerdiñ atı jazılmaydı, tek  jwldız sanı men wsınılatın qızmetter körsetiledi. Siz tek audandı tañday alasız. Keyin tapsırıstan bas tartuğa bolmaydı.

2. Sayttarğa sağat 18:00-den keyin kirgeniñiz abzal. Öytkeni, tañerteñgi  bağalar  tım qımbat boladı.

Qonaq üydiñ bağasına baylanıstı saudalasuğa da boladı. Tek qonaq üy jeke äri kişigirim bolğan jağdayda. Al arnayı jelisi, bar ülken qonaq üyler arnayı standarttı bağalarmen ğana beriledi. Kişigirim  qonaq üyler key kezde 30 payızğa deyin jeñildik wsınuı mümkin.

3. Qonaq üydegi tegin qızmet türlerin  paydalanıñız.

Qonaq üyge ornalasarda tegin qızmetter jaylı bilip alğanıñız jön. Köbine qonaq üylerde tegin bötelkedegi su, kiimge jäne de şaşqa arnalğan ütikter, quattağış qwrılğılar, tipti üstel oyındarınıñ  türleri de tegin beriledi. Sonımen qatar, sizdi qajet uaqıtta oyatıp, däriger şaqırtıp, meyramhanalarda orınğa tapsırıs berip, taksi şaqırtıp, koncert, basqa da şaralarğa bilet satıp alıp qoyuğa da kömektese aladı.

4. Bölmeler ärdayım minsiz taza bola bermeydi. 

Bölmedegi ıdıstı paydalanbay-aq qoyğanıñız jön. Öytkeni, sizdiñ aldıñızdağı qonaqtan keyin onı tek sumen şayıp qoyğan boluı mümkin. Teledidardıñ pul'tterin paydalanarda öziñiz üşin sulı oramalmen bir sürtip alğanıñız jaqsı boladı.

5. Barlıq bölmeler birdey emes. 

Foto: youneed.com.ua

Ornalaspas bwrın qızmetkerlerden qaysı bölme jaqsı ekendigin swrap, 10-15 dollarıñızdı wstata salıñız. Nätijesinde terezesinen jaqsı körinis, keñ juınatın bölme, jaqsı isteytin teledidar jäne tağı da basqa köptegen bonustarğa ie bolasız.

6. Port'e tek özine töleytin jerlerdi wsınadı. 

Qonaq üydiñ qızmetkerlerinen tamaqtanatın, qıdıratın jerlerdi köbine swramañız. Öytkeni, olar tek özderine töleytin orındardı ğana wsınadı. Säykesinşe, qımbat, mümkin wnamaytın jerge tap boluıñız mümkin. Odan da öziñiz pikirlerge köz jügirtip, qalanıñ kartası men basqa da sayttardan qarap alıñız. Büginde bwnday aqparat kez-kelgenge qoljetimdi.

7. Şağımdanğan bir jağınan tiimdi. 

Foto: bbcamerica.com

Eger qızmet sapası köñiliñizden şıqpasa, şağımdanuıñızğa boladı. Köptegen qonaq üyler öz bedeline nwqsan keltirmeu üşin sizge köptegen tegin qızmetterdi wsınuı mümkin.

8. Bağalı zattarıñızdı qonaq üydiñ seyfinde saqtañız.

Bölmedegi kişkene seyften wrlanğan zattarıñızğa qonaq üy äkimşiligi jauap bermeydi. Sol sebepti de qonaq üydiñ arnayı seyfinde qaldırğanıñız jön. Ol tikeley qonaq üydiñ jauapkerşiliginde jäne kez-kelgen adam ol jerge kire almaydı.

Osı sekildi qağidalardı wstansañız, sayahatıñız sätti bolıp, aqşadan da artıq şığındalmaytın bolasız. Kerekti keñesterdi bayqasañız - türtip alıñız. 

The Qazaq Times