قوناق ءۇي فوتو: czech-rurepublic-gb.ru

ساياحاتقا شىققاندا نەمەسە ءىسساپاردا قوناق ۇيلەردىڭ قىزمەتىنە جۇگىنىپ جاتامىز. بىراق كوپتەگەن قىزمەت تۇرلەرى مەن قوناق ءۇيدىڭ جۇلدىز سانىنا  بايلانىستى ۋاقىتشا تۇراقتايتىن جەردى  قالتامىزدىڭ قالىڭدىعىنا قاراي دا تاڭدايتىنىمىز راس. بىراق ارزان دەپ – ساپاسىزىنا، قىمبات بولسا – ارتىق  تولەپ، ۋادە ەتىلگەن قىزمەت تۇرىنە قول جەتكىزە الماي جاتاتىن جاعدايلار ءجيى كەزدەسەدى.

سول سەبەپتى دە قوناق ۇيدە بولعان كەلەڭسىزدىكتەر ءسىزدىڭ ساياحاتىڭىزدىڭ ءسانىن كەتىرمەۋ ءۇشىن، نازارلارىڭىزعا كوپشىلىك بىلە بەرمەيتىن قوناق ۇيلەرگە بايلانىستى «لايفحاكتاردى» ۇسىنامىز.

1. ءدال وسىنداي بولمەنى ەكى ەسە ارزان باعاعا الۋعا دا بولادى.

فوتو: pixabay

قوناق ۇيدەگى سوڭعى بوس بولمەلەر كەي كەزدە جارتى باعاسىنا ۇسىنىلادى. بۇل بولمەنىڭ مۇلدە بوس قالعانىنا قاراعاندا ەداۋىر ءتيىمدى. بىراق بۇل تۋرالى قوناق ءۇي اكىمشىلىگى ەش جەرگە جاريالامايدى. ويتكەنى، كەز-كەلگەن ۋاقىتتا ونى تولىق باعاسىنا دا بىرەۋ جالداپ قالۋى مۇمكىن. سوندىقتان دا، سايتتاردان بولمە جالداعاندا قوناقۇيلەردىڭ اتى جازىلمايدى، تەك  جۇلدىز سانى مەن ۇسىنىلاتىن قىزمەتتەر كورسەتىلەدى. ءسىز تەك اۋداندى تاڭداي الاسىز. كەيىن تاپسىرىستان باس تارتۋعا بولمايدى.

2. سايتتارعا ساعات 18:00-دەن كەيىن كىرگەنىڭىز ابزال. ويتكەنى، تاڭەرتەڭگى  باعالار  تىم قىمبات بولادى.

قوناق ءۇيدىڭ باعاسىنا بايلانىستى ساۋدالاسۋعا دا بولادى. تەك قوناق ءۇي جەكە ءارى كىشىگىرىم بولعان جاعدايدا. ال ارنايى جەلىسى، بار ۇلكەن قوناق ۇيلەر ارنايى ستاندارتتى باعالارمەن عانا بەرىلەدى. كىشىگىرىم  قوناق ۇيلەر كەي كەزدە 30 پايىزعا دەيىن جەڭىلدىك ۇسىنۋى مۇمكىن.

3. قوناق ۇيدەگى تەگىن قىزمەت تۇرلەرىن  پايدالانىڭىز.

قوناق ۇيگە ورنالاساردا تەگىن قىزمەتتەر جايلى ءبىلىپ العانىڭىز ءجون. كوبىنە قوناق ۇيلەردە تەگىن بوتەلكەدەگى سۋ، كيىمگە جانە دە شاشقا ارنالعان ۇتىكتەر، قۋاتتاعىش قۇرىلعىلار، ءتىپتى ۇستەل ويىندارىنىڭ  تۇرلەرى دە تەگىن بەرىلەدى. سونىمەن قاتار، ءسىزدى قاجەت ۋاقىتتا وياتىپ، دارىگەر شاقىرتىپ، مەيرامحانالاردا ورىنعا تاپسىرىس بەرىپ، تاكسي شاقىرتىپ، كونتسەرت، باسقا دا شارالارعا بيلەت ساتىپ الىپ قويۋعا دا كومەكتەسە الادى.

4. بولمەلەر ءاردايىم ءمىنسىز تازا بولا بەرمەيدى. 

بولمەدەگى ىدىستى پايدالانباي-اق قويعانىڭىز ءجون. ويتكەنى، ءسىزدىڭ الدىڭىزداعى قوناقتان كەيىن ونى تەك سۋمەن شايىپ قويعان بولۋى مۇمكىن. تەلەديداردىڭ پۋلتتەرىن پايدالاناردا ءوزىڭىز ءۇشىن سۋلى ورامالمەن ءبىر ءسۇرتىپ العانىڭىز جاقسى بولادى.

5. بارلىق بولمەلەر بىردەي ەمەس. 

فوتو: youneed.com.ua

ورنالاسپاس بۇرىن قىزمەتكەرلەردەن قايسى بولمە جاقسى ەكەندىگىن سۇراپ، 10-15 دوللارىڭىزدى ۇستاتا سالىڭىز. ناتيجەسىندە تەرەزەسىنەن جاقسى كورىنىس، كەڭ جۋىناتىن بولمە، جاقسى ىستەيتىن تەلەديدار جانە تاعى دا باسقا كوپتەگەن بونۋستارعا يە بولاسىز.

6. پورتە تەك وزىنە تولەيتىن جەرلەردى ۇسىنادى. 

قوناق ءۇيدىڭ قىزمەتكەرلەرىنەن تاماقتاناتىن، قىدىراتىن جەرلەردى كوبىنە سۇراماڭىز. ويتكەنى، ولار تەك وزدەرىنە تولەيتىن ورىنداردى عانا ۇسىنادى. سايكەسىنشە، قىمبات، مۇمكىن ۇنامايتىن جەرگە تاپ بولۋىڭىز مۇمكىن. ودان دا ءوزىڭىز پىكىرلەرگە كوز جۇگىرتىپ، قالانىڭ كارتاسى مەن باسقا دا سايتتاردان قاراپ الىڭىز. بۇگىندە بۇنداي اقپارات كەز-كەلگەنگە قولجەتىمدى.

7. شاعىمدانعان ءبىر جاعىنان ءتيىمدى. 

فوتو: bbcamerica.com

ەگەر قىزمەت ساپاسى كوڭىلىڭىزدەن شىقپاسا، شاعىمدانۋىڭىزعا بولادى. كوپتەگەن قوناق ۇيلەر ءوز بەدەلىنە نۇقسان كەلتىرمەۋ ءۇشىن سىزگە كوپتەگەن تەگىن قىزمەتتەردى ۇسىنۋى مۇمكىن.

8. باعالى زاتتارىڭىزدى قوناق ءۇيدىڭ سەيفىندە ساقتاڭىز.

بولمەدەگى كىشكەنە سەيفتەن ۇرلانعان زاتتارىڭىزعا قوناق ءۇي اكىمشىلىگى جاۋاپ بەرمەيدى. سول سەبەپتى دە قوناق ءۇيدىڭ ارنايى سەيفىندە قالدىرعانىڭىز ءجون. ول تىكەلەي قوناق ءۇيدىڭ جاۋاپكەرشىلىگىندە جانە كەز-كەلگەن ادام ول جەرگە كىرە المايدى.

وسى سەكىلدى قاعيدالاردى ۇستانساڭىز، ساياحاتىڭىز ءساتتى بولىپ، اقشادان دا ارتىق شىعىندالمايتىن بولاسىز. كەرەكتى كەڭەستەردى بايقاساڭىز - ءتۇرتىپ الىڭىز. 

The Qazaq Times