Qıtay resmi aqparat közderiniñ habarına qarağanda, QHR basşısı Şi Jiniñ (Si Czin'pin) AQŞ prezidenti Donal'd Tramptı Soltüstik Koreya mäselesinde sabırlı boluğa şaqırğan. Oğan qosa resmi Beyjiñ tarabınıñ BWW Qauipsizdik keñesiniñ qararın bwzatın ärqanday äreketke qarsı ekenin bildirgen.
“The Wall Street Journal” basılımınıñ habarına qarağanda, keşe 24 säuir küni AQŞ-Qıtay basşıları telefonda söylesken. Bwl atalğan bir mäsele turasında eki apta işinde qos taraptıñ ekinşi ret telefon arqılı keñesui. Äzirge deyin üş märte qoñırau şalısqan eki basşı osı aydıñ bas şeninde Floridada kezdesu ötkizgeni de belgili. Alayda, Soltüstik Koreya mäselesinde eki basşınıñ oyı bir jerden şıqpağan bolatın.
Qıtay basşısımen telefonda keñesui ayaqtala salısımen, Tramp Japoniyanıñ Bas uäziri (prem'er-ministri) Şinzo Abemen (Shinzo Abe) de habarlasıp keñes ötkizgen. Qoñıraudan keyin japon prem'eri habarlama jariyalap, Tramptıñ söz äreketinen onıñ barlıq mümkindikterdi qarastırıp jatqanın bayqauğa bolatının aytqan.
Qıtay resmi aqparat közderinde, Qıtay basşısınıñ: «Korey tübegi mäselesinde barlıq tarap jağdaydı uşıqtıratın äreketterden bas tartuı kerek. Eki el basşılığı tığız baylanıstı saqtauğa kelisti», – degen sözi jariya boldı.
Aq üy qatıstı habarlardı är eldegi elşilikteriniñ resmi veb-sayttarında jariyalap twratındığın ayttı.
The Qazaq Times
Kiberşabuılğa wşırağan BAQ ökilderi qwqıq qorğau organdarına arız tüsirdi
Ortalıq Aziya: tarihi, sayasi jäne ekonomikalıq müddeler ayasında
Qırğızstanda täuelsiz Kloop basılımınıñ qırğız tilindegi saytı bwğattaldı
Reseydiñ Doneck oblısı Konstantinovka qalasındağı bazarğa şabuılınan 16 adam qaza taptı
Sadır Japarov Istıqköldegi tört pansionattı Özbekstanğa beru sebebin tüsindirdi
Pigojinniñ «Vagner» tobı Mäskeu tübine kelip şeginip ketti