Oyan, Qazaqstan qozğalısınıñ belsendisi, suretşi Jänel Şahan. Foto: Azattıq radiosınan

Oyan, Qazaqstan qozğalısınıñ tağı bir müşesi – suretşi äri belsendi Jänel Şahandı policiya bölimine şaqırdı. Bwl turalı Azattıq Radiosı jazdı. 

Jänel Şahan 25 jeltoqsanda da şaqırtu alğan, biraq ol kezde densaulıq jağdayına baylanıstı bara almağan. Sol küni onıñ Oyan, Qazaqstan qozğalısındağı serikteri Ravkat Mwhtarov pen Bota Şäripjandı 16 jeltoqsandağı akciyağa qatısqanı üşin 15 täulikke qamağan.

Jaña şaqırtuda Jänel Şahan 3 qañtar küni Almatı qalası Bostandıq audanınıñ policiya bölimine kelui kerek dep jazılğan.

Oyan, Qazaqstan qozğalısı müşeleriniñ aytuınşa, bilik Jänel Şahandı da 16 jeltoqsandağı akciyağa qatısqanı üşin 15 täulikke qamamaq.

25 jeltoqsan küni Oyan, Qazaqstan qozğalısınıñ üş müşesin policiyağa şaqırtqan. Mwhtarov pen Şäripjan policiya bölimine barğanda onlayn-sot ötip, sot eki belsendini beybit jiın ötkizu tärtibin bwzdı degen ayıp boyınşa kinäli dep tapqan. Eki belsendi tağılğan ayıppen kelispegen.

16 jeltoqsan küni Almatıdağı Täuelsizdik eskertkişiniñ aldında 1986 jılğı Jeltoqsan oqiğasınıñ, 2011 jılğı Jañaözen oqiğasınıñ jäne 2022 jılğı Qañtar oqiğasınıñ qwrbandarın eske alu şarası ötken. Belsendiler Täuelsizdik eskertkişinen Qañtar oqiğasınan keyin twrğızılğan "Tağzım" memorialına deyin jürip ötken. Olar Qañtar oqiğasında qaza tapqan säbiler men jastardıñ atın aytıp, wrandatqan. Qoldarında "Wmıtpaymız, keşirmeymiz" degen jazuı bar plakat bolğan.