9 qazanda Jetsu oblıstıq sotında Taldıqorğan qalasında qandı qañtar kezinde wstalğandardı azaptadı dep ayıptalığan 5 policeydiñ  apellyaciyalıq şağımı qaraldı.

Ayağınan basına deyingi süyekteri sındırılıp, köbesine ine jügirtilgen, tisi jwlınıp, arqasına ütik basılğandar äuelde küdikti dep tanılğan beseuden basqa da policiya qızmetkerleriniñ barlığın. Olardıñ bärinde azaptau isi boyınşa qatañ jazamen jazalauın talap etken. 1 satılı sot 39 otırısqa wlasqan. Soñında jäbirlenuşilerdiñ barlığı ayıptaluşılarğa keşirim berip sud'yadan olardı qamau jazasına kespeuin swrağan twğın.

Alayda sudiya Bekmwrat Düysenbekov ayıptalğan beseuinde 146 baptıñ 2 böligimen kinäli dep tanıp Aydın Kenjaebaev pen Janbaqıt Nwrtazanı 4 jılğa, Saparmwrat Toqtaştı 3.5 jılğa, Almas Boqanov pen Ermek Jwmaşevtı 3 jılğa bas bostandığınan ayırğan bolatın.

Arağa jartı jıldan asa uaqıt ötkizip ispen tanısqan bes policeydiñ apellyaciyalıq sotı 21 qırüküykte ötui kerek bolğan proces türli sebeptermen  2 qazanğa auıstırılıp odan 9 qazanğa twraqtağan.

Sut otırsın äuelde ayıptaluşı jäne jäbirlenuşi taraptardıñ aşıq sot otırsına BAQ ökilin qatıstırmau turalı talabınan bastaldı.

Tüske deyin ayıptaluşılardıñ qorğauşıları birinşi satılı sotta öte auır jaza kesildi dep keybiri tolıq aqtauıdı, keybiri jeñildetip üyge şığarudı swradı.

Jäbirlenuşi Twralıqovtıñ advokatı Äsem Tüsipova 22 jıldıñ qandı qañtarındağı işinde 4 kämelet jasına tolmağan öspirim bar 24 adamnıñ ayausız azaptalğanın  isi sot tergui jürip jatqan kezge deyingi bwzılğan jağdaylardı eske alıp biz azaptauşı policeylerge oñtaylı jağday jasasaq azaptaudi qalay toqtatamız degen saual qoydı.

Birinşi satılı sotta ayıptaluşılardıñ kinäsi tolıq däleldendi. Sondıqtan 10 aqpandağı qalalıq sottıñ ükimi özgerisiz qaltırılsın degen prokuror Marat Abuev barlıq sottaluşıdan tötenşe jağday, tötenşe ahual kezinde, sonday-aq jappay tärtipsizdikter barısında qılmıstıq qwqıq bwzuşılıq jasau;  ayıbı ayıptau aktisiniñ orısşa mätininde körsetilmegen  degen sebeppen alıp tastaudı  swradı.

Sottaluşılardıñ ötinişterin qanağattandırusız qaltırğan Apellyaciyalıq sot alqasınıñ törağası Kenenbaev Erjan birinşi satılı sottıñ ökimin özgerisiz qaltırğanımen prokuror Abuev swrağan 54 baptıñ 11 böligindegi Qılmıstıq jauaptılıq pen jazanı auırlatatın män-jaylardı alıp tastadı.

Ükimdi tüsindirgen sud'ya Qwlbekov Arman 54 baptıñ 11 böligindegi tötenşe jağday, tötenşe ahual kezinde, sonday-aq jappay tärtipsizdikter barısında qılmıstıq qwqıq bwzuşılıq jasau ayıbın nege negizdelip alıp tastağanın tüsindirmedi.