9 قازاندا جەتسۋ وبلىستىق سوتىندا تالدىقورعان قالاسىندا قاندى قاڭتار كەزىندە ۇستالعانداردى ازاپتادى دەپ ايىپتالىعان 5 پوليتسەيدىڭ  اپەللياتسيالىق شاعىمى قارالدى.

اياعىنان باسىنا دەيىنگى سۇيەكتەرى سىندىرىلىپ، كوبەسىنە ينە جۇگىرتىلگەن، ءتىسى جۇلىنىپ، ارقاسىنا ۇتىك باسىلعاندار اۋەلدە كۇدىكتى دەپ تانىلعان بەسەۋدەن باسقا دا پوليتسيا قىزمەتكەرلەرىنىڭ بارلىعىن. ولاردىڭ بارىندە ازاپتاۋ ءىسى بويىنشا قاتاڭ جازامەن جازالاۋىن تالاپ ەتكەن. 1 ساتىلى سوت 39 وتىرىسقا ۇلاسقان. سوڭىندا جابىرلەنۋشىلەردىڭ بارلىعى ايىپتالۋشىلارعا كەشىرىم بەرىپ سۋديادان ولاردى قاماۋ جازاسىنا كەسپەۋىن سۇراعان تۇعىن.

الايدا سۋديا بەكمۇرات دۇيسەنبەكوۆ ايىپتالعان بەسەۋىندە 146 باپتىڭ 2 بولىگىمەن كىنالى دەپ تانىپ ايدىن كەنجاەباەۆ پەن جانباقىت نۇرتازانى 4 جىلعا، ساپارمۇرات توقتاشتى 3.5 جىلعا، الماس بوقانوۆ پەن ەرمەك جۇماشەۆتى 3 جىلعا باس بوستاندىعىنان ايىرعان بولاتىن.

اراعا جارتى جىلدان اسا ۋاقىت وتكىزىپ ىسپەن تانىسقان بەس پوليتسەيدىڭ اپەللياتسيالىق سوتى 21 قىرۇكۇيكتە ءوتۋى كەرەك بولعان پروتسەس ءتۇرلى سەبەپتەرمەن  2 قازانعا اۋىستىرىلىپ ودان 9 قازانعا تۇراقتاعان.

سۋت وتىرسىن اۋەلدە ايىپتالۋشى جانە جابىرلەنۋشى تاراپتاردىڭ اشىق سوت وتىرسىنا باق وكىلىن قاتىستىرماۋ تۋرالى تالابىنان باستالدى.

تۇسكە دەيىن ايىپتالۋشىلاردىڭ قورعاۋشىلارى ءبىرىنشى ساتىلى سوتتا وتە اۋىر جازا كەسىلدى دەپ كەيبىرى تولىق اقتاۋىدى، كەيبىرى جەڭىلدەتىپ ۇيگە شىعارۋدى سۇرادى.

جابىرلەنۋشى تۇرالىقوۆتىڭ ادۆوكاتى اسەم ءتۇسىپوۆا 22 جىلدىڭ قاندى قاڭتارىنداعى ىشىندە 4 كامەلەت جاسىنا تولماعان ءوسپىرىم بار 24 ادامنىڭ اياۋسىز ازاپتالعانىن  ءىسى سوت تەرگۋى ءجۇرىپ جاتقان كەزگە دەيىنگى بۇزىلعان جاعدايلاردى ەسكە الىپ ءبىز ازاپتاۋشى پوليتسەيلەرگە وڭتايلى جاعداي جاساساق ءازاپتاۋدى قالاي توقتاتامىز دەگەن ساۋال قويدى.

ءبىرىنشى ساتىلى سوتتا ايىپتالۋشىلاردىڭ كىناسى تولىق دالەلدەندى. سوندىقتان 10 اقپانداعى قالالىق سوتتىڭ ۇكىمى وزگەرىسىز قالتىرىلسىن دەگەن پروكۋرور مارات ابۋەۆ بارلىق سوتتالۋشىدان توتەنشە جاعداي، توتەنشە احۋال كەزىندە، سونداي-اق جاپپاي تارتiپسىزدىكتەر بارىسىندا قىلمىستىق قۇقىق بۇزۋشىلىق جاساۋ;  ايىبى ايىپتاۋ اكتىسىنىڭ ورىسشا ماتىنىندە كورسەتىلمەگەن  دەگەن سەبەپپەن الىپ تاستاۋدى  سۇرادى.

سوتتالۋشىلاردىڭ وتىنىشتەرىن قاناعاتتاندىرۋسىز قالتىرعان اپەللياتسيالىق سوت القاسىنىڭ توراعاسى كەنەنباەۆ ەرجان ءبىرىنشى ساتىلى سوتتىڭ وكىمىن وزگەرىسىز قالتىرعانىمەن پروكۋرور ابۋەۆ سۇراعان 54 باپتىڭ 11 بولىگىندەگى قىلمىستىق جاۋاپتىلىق پەن جازانى اۋىرلاتاتىن ءمان-جايلاردى الىپ تاستادى.

ۇكىمدى تۇسىندىرگەن سۋديا قۇلبەكوۆ ارمان 54 باپتىڭ 11 بولىگىندەگى توتەنشە جاعداي، توتەنشە احۋال كەزىندە، سونداي-اق جاپپاي تارتiپسىزدىكتەر بارىسىندا قىلمىستىق قۇقىق بۇزۋشىلىق جاساۋ ايىبىن نەگە نەگىزدەلىپ الىپ تاستاعانىن تۇسىندىرمەدى.