Qırküyektiñ altısına Qazaqstan prezidentiniñ baspasöz hatşısı qızmetine tağayındalğan Nwrmwhamed Bayğaraev qızmetinen bosdı. Bwl turalı ol öziniñ Facebook paraqşasında habarladı.

Küni keşe ğana Astanada prezident Toqaevtıñ wlttıq qwrama müşelererin jeñisterimen qwttıqtap jürgen fotoların salğan Bayğaraev qızmetten bosauın öziniñ densaulığımen baylanıstı ekenin öqabıldanğan şeşim ekenin aytqan.

"Basşılıq jağdaydı tüsindi" degen jap-jaña jauaptı hatşı: "Keşe densaulığıma qatıstı oqıs jağdaydan soñ (pristuptar) därigerlerge tekseriluge mäjbür boldım. Tolıq tekseristen keyin sırqattıñ belgisi bayqaldı. Därigerler wzaqmerzimdi em-domdı birden bastaudı, onı twraqtı qabıldaudı jäne bastısı – wşaqpen wşudı belgili bir uaqıtqa deyin toqtatudı talap etti. Medicinalıq talap qazirgi qızmetimdi tolıqqandı atqaruğa kedergisin keltiretini belgili. Sebebi aymaqtarğa jäne şetelderge is-saparlar twraqtı türde boladı. Bwl – jii wşaqpen wşu degen söz. Şını kerek, mwndaydı özim de kütpedim. Jospar basqaşa edi. Ötken aptada kirisken qızmetime bilimimmen, biliktiligimmen dayın edim. Baspasöz qızmetin jetildiruge, odan äri aşıq etuge qatıstı birneşe ideya, bastamalarım bar edi" -degen post jariyalağan.

Nwrmwhamed Bayğaraev Qasım-Jomart Toqaevtıñ bwrınğı baspasöz hatşısı Ruslan Jeldibaydıñ orınbasarı bolğan. Onıñ aldında Qazaqstandı şirek ğasır basqarğan Nwrswltan Nazarbaev qwrğan "Nwr Otan" partiyasınıñ (qazirgi "Amanat" partiyası) üni - "Ayqın" gazetiniñ bas redaktorı qızmetin atqarğan. Biıl qırküyekte prezident äkimşiligindegi özgerister kezinde prezidenttiñ baspasöz hatşısı qızmetine tağayındalğan.