Қыркүйектің алтысына Қазақстан президентінің баспасөз хатшысы қызметіне тағайындалған Нұрмұхамед Байғараев қызметінен босды. Бұл туралы ол өзінің Facebook парақшасында хабарлады.

Күні кеше ғана Астанада президент Тоқаевтың ұлттық құрама мүшелерерін жеңістерімен құттықтап жүрген фотоларын салған Байғараев қызметтен босауын өзінің денсаулығымен байланысты екенін өқабылданған шешім екенін айтқан.

"Басшылық жағдайды түсінді" деген жап-жаңа жауапты хатшы: "Кеше денсаулығыма қатысты оқыс жағдайдан соң (приступтар) дәрігерлерге тексерілуге мәжбүр болдым. Толық тексерістен кейін сырқаттың белгісі байқалды. Дәрігерлер ұзақмерзімді ем-домды бірден бастауды, оны тұрақты қабылдауды және бастысы – ұшақпен ұшуды белгілі бір уақытқа дейін тоқтатуды талап етті. Медициналық талап қазіргі қызметімді толыққанды атқаруға кедергісін келтіретіні белгілі. Себебі аймақтарға және шетелдерге іс-сапарлар тұрақты түрде болады. Бұл – жиі ұшақпен ұшу деген сөз. Шыны керек, мұндайды өзім де күтпедім. Жоспар басқаша еді. Өткен аптада кіріскен қызметіме біліміммен, біліктілігіммен дайын едім. Баспасөз қызметін жетілдіруге, одан әрі ашық етуге қатысты бірнеше идея, бастамаларым бар еді" -деген пост жариялаған.

Нұрмұхамед Байғараев Қасым-Жомарт Тоқаевтың бұрынғы баспасөз хатшысы Руслан Желдібайдың орынбасары болған. Оның алдында Қазақстанды ширек ғасыр басқарған Нұрсұлтан Назарбаев құрған "Нұр Отан" партиясының (қазіргі "Аманат" партиясы) үні - "Айқын" газетінің бас редакторы қызметін атқарған. Биыл қыркүйекте президент әкімшілігіндегі өзгерістер кезінде президенттің баспасөз хатшысы қызметіне тағайындалған.