5 qırküyek küni Qazaqstan prezidenti Qasım-Jomart Toqaevtıñ jarlığımen Marat Ahmetjanov Aqmola oblısınıñ, Erbol Qaraşökeev Jambıl oblısınıñ äkimi bolıp tağayındaldı. Bwl turalı Ortalıq Aziya jañalıqtar qızmeti jazdı.

58 jastağı Marat Ahmetjanov 2022 jılğı aqpannan beri işki ister ministrligin basqarğan. Ol Toqaevtıñ 1 qırküyektegi joldauınan keyin qızmetinen bosağan.

Ahmetjanov 2021 jıldıñ säuirinen sıbaylas jemqorlıqpen küres is-qimıl agenttiginiñ basşısı boldı. Odan aldın 2016-2021 jıldar aralığında bas prokurordıñ orınbarı bolğan.

Halıqaralıq bayqauşılar Qazaqstandı policey memleketke jatqızadı. Ministrlik qwramında qatardağı policeylerden bölek Wlttıq wlan men işki äsker bar. Eldegi narazılıq jiındarında jappay wstaudı da osı işki ister ministrligine qarastı jasaqtar jüzege asıradı. Jazalau mekemeleri de osı mekemege qaraydı. Qwqıq qorğauşılar qamau orındarında sottaluşılardıñ qwqığı jii taptalatının, tipti azaptauğa wşıraytının aytadı. Ministrlik bwl mäselesimen küresip jatqanın aytqanımen, azaptau şağımdarı azaymay twr.

Jambıl oblısına äkim bolıp tağayındalğan Erbol Qaraşökeev osığan deyin auıl şaruaşılığı ministrligin basqarğan. Bwl mekeme Qazaqstanda eñ jii sınğa wşıraytın ministrlikter qatarında. Biıl köktemde Toqaev bwl ministrlikti özi de sınağan.

"Auıl şaruaşılığı jäne öndiris salasınıñ damuında naqtı nätije joq. Azıq-tülik inflyaciyasınıñ bastı sebebi de – osında. Elimizde öndiriletin tauardıñ kölemi işki swranıstı qamtamasız etuge jetpeydi. Importqa täueldimiz" dedi ol säuirde ötken ükimet otırısında.

Bwğan deyin Erbol Qaraşökeev qarjı ministriniñ orınbasarı bolğan jäne prezident äkimşiliginde qızmet atqarğan, "QazAgro" memlekettik holdinginde basqarma törağası lauazımında bolğan. Bwl holding auıl şaruaşılığı salasındağı milliardtağan teñge qarjı bölingenimen iske aspay, şığınğa wşırağan jobaları üşin talay ret sınğa qalğan.

Qaraşökeev basqarğalı otırğan Jambıl oblısı biıl qwrğaqşılıqtan qattı zardap şegip otır. Qırğızstannan keletin su azayıp, şarualar şığınğa batıp otır.

Sonday-aq, Qazaqstan prezidenti bügin ekologiya jäne tabiği resurstar ministrin de tağayındadı. Bwl qızmetke Erlan Nısanbaev keldi. Osığan deyin ol Astana äkiminiñ keñesşisi bolğan. Ministrlikti osığan deyin basqarğan Zülfiya Süleymenova biıl Semey oblısındağı ört kezinde sınğa qalğan.