U.S. President Donald Trump reacts during a campaign rally in Battle Creek, Michigan, U.S., December 18, 2019. REUTERS/Leah Millis? TPX IMAGES OF THE DAY - RC22YD9OIBTL

AQŞ-tıñ wlttıq qauipsizdigine jatatın qwpiya qwjattardı üyinde zañsız saqtadı degen ayıp tağılğan bwrınğı prezidenti Donal'd Tramp Mayamidegi federaldıq sot tıñdauı qarsañında wstaldı. Oğan 37 türli qılmıstıq ayıp tağılğan. Tramp olardıñ bärin joqqa şığarıp otır.

Eks-prezidentke wlttıq qauipsizdikke jatatın qwpiya qwjattardı Florida ştatında öziniñ Mar-a-Largo zäulim üyinde zañsız saqtadı degen ayıp tağılğan.

Ayıptau 13 mausımda jariyalandı. Säuirde ğana Manhettendegi sot alqası Tramptı pornojwldız Stormi Denielske ünsizdigi üşin aqşa töleu üşin qarjı qwjattarın bwrmalağan dep ayıptağan.

Donal'd Tramp kinäsin moyındaudan bas tartıp, 2024 jılı prezident saylauına qatısatının jariyaladı.

Sot ökiliniñ aytuınşa, Tramp pen onıñ bwrınğı kömekşisi Uolt Naut ayıptar tağılar aldın wstalğan. Sot otırısı jabıq ötken.

Tramp qazirgi prezident Djo Bayden äkimşiligin sayasi maqsatta qudalap jatır dep ayıptağan. Seysenbi küni eks-prezident ayıptaulardı basqaratın arnayı prokuror Djek Smitti "Tramptı jek köretin adam" dep atağan.

Tramptıñ zañ salasındağı mäseleleri respublikaşıl jaqtastarı arasında onıñ bedeline nwqsan keltire almadı. Reuters/Ipsos jürgizgen saualnamada Tramp respublikaşılar işindegi ümitkerler arasında alda kele jatqanın körsetti.