U.S. President Donald Trump reacts during a campaign rally in Battle Creek, Michigan, U.S.، December 18, 2019. REUTERS/Leah Millis? TPX IMAGES OF THE DAY - RC22YD9OIBTL

اقش-تىڭ ۇلتتىق قاۋىپسىزدىگىنە جاتاتىن قۇپيا قۇجاتتاردى ۇيىندە زاڭسىز ساقتادى دەگەن ايىپ تاعىلعان بۇرىنعى پرەزيدەنتى دونالد ترامپ ماياميدەگى فەدەرالدىق سوت تىڭداۋى قارساڭىندا ۇستالدى. وعان 37 ءتۇرلى قىلمىستىق ايىپ تاعىلعان. ترامپ ولاردىڭ ءبارىن جوققا شىعارىپ وتىر.

ەكس-پرەزيدەنتكە ۇلتتىق قاۋىپسىزدىككە جاتاتىن قۇپيا قۇجاتتاردى فلوريدا شتاتىندا ءوزىنىڭ مار-ا-لارگو ءزاۋلىم ۇيىندە زاڭسىز ساقتادى دەگەن ايىپ تاعىلعان.

ايىپتاۋ 13 ماۋسىمدا جاريالاندى. ساۋىردە عانا مانحەتتەندەگى سوت القاسى ترامپتى پورنوجۇلدىز ستورمي دەنيەلسكە ۇنسىزدىگى ءۇشىن اقشا تولەۋ ءۇشىن قارجى قۇجاتتارىن بۇرمالاعان دەپ ايىپتاعان.

دونالد ترامپ كىناسىن مويىنداۋدان باس تارتىپ، 2024 جىلى پرەزيدەنت سايلاۋىنا قاتىساتىنىن جاريالادى.

سوت وكىلىنىڭ ايتۋىنشا، ترامپ پەن ونىڭ بۇرىنعى كومەكشىسى ۋولت ناۋت ايىپتار تاعىلار الدىن ۇستالعان. سوت وتىرىسى جابىق وتكەن.

ترامپ قازىرگى پرەزيدەنت دجو بايدەن اكىمشىلىگىن ساياسي ماقساتتا قۋدالاپ جاتىر دەپ ايىپتاعان. سەيسەنبى كۇنى ەكس-پرەزيدەنت ايىپتاۋلاردى باسقاراتىن ارنايى پروكۋرور دجەك ءسميتتى "ترامپتى جەك كورەتىن ادام" دەپ اتاعان.

ترامپتىڭ زاڭ سالاسىنداعى ماسەلەلەرى رەسپۋبليكاشىل جاقتاستارى اراسىندا ونىڭ بەدەلىنە نۇقسان كەلتىرە المادى. Reuters/Ipsos جۇرگىزگەن ساۋالنامادا ترامپ رەسپۋبليكاشىلار ىشىندەگى ۇمىتكەرلەر اراسىندا الدا كەلە جاتقانىن كورسەتتى.